أضف سؤال أو موضوع جديد          

مشكلة بالتاهو.عجزت القى لها حل

up 1 down 0
saleh733 4
قبل 2 شهر



صباح الخير
سؤال لاهل الخبرة بالتاهو....معي موديل 2014 مشكلته امبير ضغط الزيت وانا واقف والسيارة شغاله على الربع اوتحتة بشرطة واذا مشيت حتى 160 يرتفع شوي فوق الربع وعزم الموتر يقل بقوة مع الطلعات حتى البسيطة غيرت طرمبة زيت وربله الشخال والحساس وكاله ولانفع نفس الوضع ماتغير شي وانا اخاف تخرب التكايات اذا استمر الوضع ..اللي قدمرت علية المشكله لاينسانا بالحل لاني ناوي اسافر على الموتر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


والله كانت عندي نفس المشكلة في يوكن بس قديم 2001 وغيرت الطرمبه اصليه ونظفت الشخال والحمدلله رجع طبيعي 

اللي مشتغل عنده انت تثق فيه وشغله نظيف ؟ 

والطرمبه اصليه وممكن ترى يكون من الحساس 

اذا انت في الرياض وده لصناعية الشفاء ورشة النافع وبتدعي لي رح لابو ابراهيم سعودي في الخمسينات كذا ماشاء الله عليه تخصصهم امريكي جموس كوابرس الخ ..... وخله يشوفلك وش المشكلة 

موفق


up 1 down 0
a.ibrahem 3228
قبل 2 شهر



الله يطول عمرك بالنسبة للي اشتغل بالسيارة والله قد ضبطت عندة شغلة بسيارة ثانية وطلع شغله كويس ووديت التاهو عندة بس للامانةاخذت السيارة يومين يقول انه غير الاغراض اللي جبتها له ( طرمبة وربله وحساس مع وجة كرتير)


up 0 down 0
saleh733 4
قبل 2 شهر



افحص كمبيوتر افضل


up 0 down 0
kk012 5
قبل 2 شهر



أفضل مرجع تقريبا الوكيل حتى لو سعره غالي لأنه لو غلط بشغله تحمله المسؤولية.
العزم له أمور كثير
منها حساسات و منها بواجي و منها مشكله بالاحتراق فالأفضل ترجع للوكيل و تعطيه العلم و بإذن الله تلقى حلها


up 0 down 1
the-core 45
قبل 2 شهر



عموماً اذا انت في الرياض مر ورشة النافع وبتدعي لي منتاب خسران شي


up 0 down 0
a.ibrahem 3228
قبل 2 شهر



الله يجزاكم خير النافع يفتح اليوم الجمعه والالا


up 0 down 0
saleh733 4
قبل 2 شهر



شف الرد الاول يقولك مر بنفس مشكلتك وغير الطرمبه ونظف الشخال ورجعت طبيعي شكل راعي الورشه ما غير الطرمبة والطرمبة نكبه مو بس تعدم التكايات احتمال المكينة تصلب
انت تاكد من صاحب الورشه مو لظبط سياره ثانيه يظبط سيارتك طرمبة الزيت الضعيفه تولع لمبة الزيت ويرمش عداد الزيت ويوم الجمعة بعض الورش اجازة اذا رقم الورشه عندك اتصل عليه لا تدق مشوار ويطلع مقفل


up 0 down 0



لاهنت ياهبوب الشمال


up 0 down 0
saleh733 4
قبل 2 شهر



انا حصلت معي نفسك
ورحت للورشة وجبت له طرمبة زيت جديدة
قال اذا جبت نفس الطرمبه ما اضمن لك ان العداد في النص لفترة طويلة راح ينزل مع الوقت
قال هات ضغط عالي
طرمبة الزيت نوعين
الاول ضغط عادي
الثاني ضغط مرتفع
وكلها وكااااله
نصيحة لك ركب ضغط مرتفع وما راح بنزل العداد الا تحت النص شويي



up 0 down 0
abdullah.a.a.d 74
قبل 2 شهر



دام انت غيرت الطرمبه اجل وش نوع الزيت اللي تستخدمه وكم درجه اللزوجه؟

الشي الثاني ماجربت تغير شركه الزيت؟؟ يعني اذا كنت تغير ايسيدلكو تبدله مثلا بموتر كرافت او لا؟


up 0 down 0
ابو هيثم 7 2066
قبل 2 شهر



ا30وش رايكمستخدم زيت الوكاله 5 w30 اغيرة على سي دلكو 10 w


up 0 down 0
saleh733 4
قبل 2 شهر



غيرت زيت سي دلكو 10 -30 ولازال الوضع كما هو


up 0 down 0
saleh733 4
قبل 2 شهر



يوجد فلتر صغير جدا تحت حساس الزيت اكثر الفنين مايعرفوه جرب غيره مع الحساس


up 0 down 0
na2eb
قبل 2 شهر



قصدك اللي يجي فوق الشريحة شافة لي واحد قال مافية شي كويس


up 0 down 0
saleh733 4
قبل 2 شهر