سيارتي كروز 2010 وفيه مشكلة بالمكينة هل اشتري مكينة من التشا

روح لميكانيكي غيره ممكن يبيلها مسح الراس بس ، وشغلتها بسيطه ممكن تكلفتها من ١٠٠٠ الى ١٢٠٠

والعزم طايح خصوصا في بداية تحرك السيارة

العزم سالفه ثانيه ، 

عموما لو طلع من الرووس ، خل الميكانيكي ينظف لك الثروتل والحوسه كلها مره وحده عشان ماتتخسر فك وتركيب او انت نظفه اذا فكه 

وبعد التصليح بيفرق معك الموتر كثير خاصه مع التنظيف 

بيزيد العزم وبتقل الصرفيه ووو 

وعليكم السلام ورحمة الله وبركاته

شوف ياخوي انت تقول المشكله ان السياره ترفع حراره وغيرت قطع وما راحت المشكله

شبكت المروحه مع السلف علشان تشتغل علطول وظبطت معك

لكن تشتكي ان السياره ما تدق سلف من اول مره وهذا طبيعي في حالتك لانك حملت بطارية السياره بجهد تشغيل المروحة مع دقة السلف

ومستقبلا بتواجه مشكلة كتاوت المروحه ما بيستحمل تشغيل المروحه المستمر وبيخرب عليك واحتمال يسيح ويخربلك علبة الفيوزات كامله

نصيحتي لك رجع المروحه تشتغل على وكالتها وشوف علة الحرارة فين وان كنت سويت اي تعديلات ثانية كالغاء بلف الحراره او غيره رجعه

وشيك على التهريبات وكتاوت المروحه وان شاء الله تظبط معك

وبخصوص الميكانيكي اللي رحتله وقالك ان المكينه ضعيفه وتحتاج توضيب

اذا ماكينتك ما تدخن ولا تنقص زيت فماكينتك طيبه ما فيها شيء

وراس الماكينه ان كان خربان ترتفع حرارة السياره باستمرار لكن في حالتك تقول انها ظبطت بعد ما شغلت المروحه مع السلف

ان كان مثل ما قلت فلا تودي سيارتك عنده ولو قالك اصلحها لك بلاش

طيب دفع مروحتك قوي ولا ضعيف ؟

دامك شبكتها على طول وامورك بالتمام اجل مروحتك فيها علة

شيك عليها وغير ماء الرديتر بماء اصلي

طيب يا شباب ما قلتوا لي رأيكم في شراء مكينة مستعملة من التشاليح ؟
هل الفكرة ذي بتشيل مشكلة الحرارة و ضعف العزم؟
ومشكوربن والله ما قصرتم .