أضف سؤال أو موضوع جديد          

استفسار عن قير التاهو

up 2 down 0
10
قبل 2 شهر



السلام عليكم
عندي تاهو 2013 شاريه جديد وكالة مضى له الآن 6 سنوات وماشي 300000 ألف
غيرت زيت القير على 250000 ألف
حصلت معي مشكلة
انا أغير زيت المكينة وزيت القير باستمرار لدى اي سي ديلكو
من يوم شريت السيارة ما اغير الزيت الا عندهم
وكل مرة يقولون لي بعض الأشياء اللي تحتاجها السيارة حسب المشي
المشكلة حصلت معي في طريق دولي وهي
بدأ القير يضعف والسرعة تقل واسمع صوت صرصرة وشيكت على الترنزمشن وكانت 91 الى ان توقف نهائياً
جبت سطحة ووديته لورشتين خارج السعودية وكلهم قالوا لازم توضيب القير وورشة داخل
علماً انه ما طلع لي اي شي في الطبلون ولا اي تنبيه
السؤال ليش حصل معي كذا والسيارة جديدة ولا احد يسوقها غيري ولا عمري طاعست فيها ولا اسحب حملة تتعب القير
هل حصل مع احد منكم هذه المشكلة وهل هي عادية بالنسبة للتاهو ؟
اسف على التطويل لكن كان لا بد من توضيح







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لانك متأخر في تغيير زيت القير مره 
250 الف كثير 
المفروض انك غيرته 3 مرات خلال المشي هذا 


up 2 down 0
hussain4 780
قبل 2 شهر



وانا اخوك ليش الاستغراب  ، الحمدلله على كل حال ،، وخراب اي قطعة في السيارة وارد في  اي لحظة وتحت اي ظرف ،،  وأنا مع تغييره جديد وكالة اذا تقدر لكن غالي  أو تشليح  مثله مثل   المكينة والدفرنس   وآخر حل التوضيب  ،،،، والسيارة  ماهي جديدة زي ماتقول لان الحين لها ست سنوات وموديل 2019   بينزل والسيارة ماشية ٣٠٠ الف يعني ممشاها ماهو بسيط ابدا   


up 1 down 0
جبل شعيب 99
قبل 2 شهر



وضب و ركب مبرد قير خارجي اكبر من شد بلدها

و كل 60 الف غير زيت و فلتر و الزيت لازم يكون نوع الموصى فيه بالكتالوج

تلاقي اي سي دلكو يبدل الزيت بالسحب بدون فلتر


up 1 down 0



لا توضب ودها لأكثر من ورشة ، انا خربت علي العكوس وصارت السيارة اذا عشقتها ماتمشي وكنت ادري انها عكوس بس قلت ابي اتأكد واكثر من ورشة قالو لي القير يبي له توضيب وهم كذابين ، فلا تاخذ كلام ورشة ولا اثنين ولا عشرة ، وغير كذا مفروض تغير زيت القير على 80 الف اول مرة بعدها كل 60 الف تغيره


up 1 down 2
0abo_waleed0 25
قبل 2 شهر



وعليكم السلام 

لاتستعجل اخوي ممكن تكون حاجه بسيطة انت مر متخصص في القيور التماتيك 


up 1 down 0



الرجال يقولكم يغير زيت القير باستمرار
واخر مره على ممشى250 ماقال او تغييره على هذا الممشى

على العموم ماودي احطمك
لكن هذا وقته القير انه يخبط كثر الله خيره وصلك الى هذا الممشى خصوصا الامريكي
قيورهم ماهي بالحيل عكس مكاينهم قويه وتعيش
عندي فورد والزيت اغيره بوقته ومع الوقت طق بدون سبب
وقتها توني مغير زيت القير بالوكاله مدري هم السبب ولا القير وصل عمره الافتراضي
ويوم خبط ماطلع اي علامه بالطبلون
عرفت وقتها ان القير خبط لان لو مشكلة حساسات كان طلع تنبيه خاص بالقير
لكن مشكله بالكلتشات ماتطلع تنبيه لانها مشكله ميكانيكيه ماهي كهربائيه
لكن افححححححححححححححححححصصصصصصصص كمبيوتر للاحتياط ممكن حساس بس ماطلع عندك بالطبلون


up 0 down 2
d7ooom777 426
قبل 2 شهر



hussain4
باستمرار اغيره
اول مرة على 60 الف وآخر مرة 250 الف وبينهم مرة او مرتين


up 1 down 0
10
قبل 2 شهر



جبل شعيب
الحمد لله على كل حال وما حصل كله خير
تعطلت علي في الإمارات ومعي عائلتي
700 ريال سطحة الى دبي
350 ريال من دبي الى الشارقة رايح جاي
1700 من دبي للرياض
3600 عودة العائلة بالطائرة
والحمد لله كل ما يكتبه الله خير
_____________________
زاهد الاحمدي
بسألهم للتأكد
_______________
0abo_waleed0
وديتها لأكثر من ورشة في الشارقة ومن ضمنها مركز متخصص في القير وفحصها بالكمبيوتر وقال المشكلة في القير
ونفس الكلام ورشة في الرياض ثقة
_________________
ابو حسين..........
وديتها لمركز متخصص في الشارقة اسمه
ديكسول للجير الاوتوماتيك
___________________
d7ooom777

كلامك صحيح انا اغيره باستمرار
فحصته وقال كلتشات
هل انخفاض ضغط زيت المكينة له تأثير على القير؟
لأنه منخفض قبل رمضان وأجلت تغيير الطرمبة
وبعد خراب القير قال لي المهندس يجب تغيير طرمبة الزيت حتى لا تحدث مشكلة أكبر




up 2 down 0
10
قبل 2 شهر



يغالي اذكر كنت اسوق فان جي ام سي مديل حديث
وفجئه ثقل علي ومعاد تحرك
وكلمت العمل لانه الجمس كان للعمل قالو اكيد الخبطه مدري الفيش
من تحت انفصل او انقطع ناسي بصراحه وفعلا جاء المهندس اخذ منه اقل من 5 دقايق
قال هاذا عيب الفانات والجموس كان خبط وهوا بسيط
وكل شهر على هالحال ..
..
انت شوف يمكن نفس الشي والله اعلم


up 2 down 0
tttt35035 909
قبل 2 شهر



ما أعتقد القير أبدا
هل تجد ريحه في مقياس الزيت
أم لا


ونرجو منك موافاتنا في حالة وجود المشكله


up 1 down 0



الله يعوض عليك والحمدلله سلامات 


up 1 down 0
جبل شعيب 99
قبل 2 شهر



اشكر كل من قرأ وشارك وكل من قرأ ولم يشارك
انتهى الأمر بتوضيب القير واصلاح طرمبة الزيت ب 12000 ريال تقريباً
كفانا الله واياكم شر هذه السيارات
سؤال أخير
بعد هذه المشكلة اصبحت انتبه كثيراً لحرارة الترانسمشن
كم الحرارة الطبيعية عادة وكم الحرارة التي علي أن أقلق إذا وصلت الدرجة لها ؟


up 0 down 0
10
قبل شهر