الحل مع تقشر رسومات الازرار في التاهو

هذا عيب مصنعي بسرعه تنمسح غير باقي المواتر تاخذ فتره

يا انك تغير الازارير 

او الحل الاسهل محلات القطع يبيعون استكرات تركب عليها وتصير تمام 

وبالتوفيق

فعلا عيب مصنعي ودايم يتقشر مدري ليه الوكالة ماتشوف حل للمشكلة هذه !!!

الحل وانا اخوك استكرات زي ماتفضل الاخ محمد 33

وهذا شخص يبيعهم شوف رقم الاعلان / 115408248

او افتح هذا الرابط / https://haraj.com.sa/115408248

طيب ، الاستكرات تدوم معي ولا تخترب بسرعه؟!

وما تقصرون على المعلومة ذي ، لأني احترت واشوف خسارة اني اغير زر الوكالة عشان الرسمه.

ما جربتها ، لكن حتى لو ما دامت سعرها بسيط اكيد ، ولامسحت بعد فتره غيرها 

وطبعا حرام تغير الزر حق الوكاله 

وبالتوفيق

ركب استكر الأزرار و ضع نايلون شفاف على كامل جهاز التحكم
و ما راح تتقشر الرسومات ان شاء الله

هذا مو عيب هذي يسمونها رداءة أو تدني الجودة
العيب المصنعي يكون غير متعمد أما هذي عن سابق إصرار وترصد :)

شركة جنرال موتورز ماتحترم عملائها ، يعني فوق رداءة جودة القطع الميكانيكية والكهربائية
ختموها برداءة الخامات المستخدمة في صناعة الديكورات من قشرة طبلون إلى ازرار ونوعية الجلد ومقابض الأبواب

قبل فترة واحد يشتكي من تشقق قشرة الطبلون كأنها قشرة بيض وبعضهم يسلك يقول كل موديلات 2007 وفوق كذا

لاحبيبي عندنا 2003 و24 ساعة واقف بالظل ونفس الحالة
وكل الامريكي عموماً بلاوي لكن جنرال موتورز رأس الحية واللي يعزز للامريكي اقوله تعال اشتر الجمس مننا وفكنا شره وشرك

عموماً الله يعطيك خير الموتر ويكفيك شره ياراعي الموضوع ماانتبهت انك توك شاريه إلا الحين :)
ماابي اخرب عليك فرحتك بالموتر الله يهنيك فيه

كلها من المغاسل يرش لك الطبلون بالملمع 
ومع الشمس والاجواء الباريسية عندنا ماتقاوم 
ولا الامريكي من سنين وهو يصنع وحنا ماغير نوم واكل