ماليبو 2018 ltz اقساط
0
2
إضغط هنا للإخفاء
السلام عليكم
ياشباب شفت الماليبو وعجبتني وسألت اثنين من ملاكها مدحَوها لي الان قررت أخذها وبإذن الله السبت بتوجهه للوكيل بمدينتي
لكن المشكله يقولون التوكيلات العالميه أغلى من الجميح بحول 5 الف
والجميح غير متوفر بمدينتي غير ذلك الجميح الضمان أفضل حقه ما ادري من أي ناحية
وش رايكم سياره تستاهل أخذها؟ سعرها الإجمالي 162 الف ودفعه اخيره 42 الف وقسط 2000 بالتمام وبدون مقدم عبر بنك الاهلي
اما الكامري 155 الف le مطور دفعه اخيره 38 الف واقساط 1920 لمده 5 سنوات
وانا صراحه عجبتني مواصفات الماليبو وكثير يمدحون لي العزل والراحه
والحين متخوف من انظمه البنك الأهلي بخصوص التأمين لأن كثير عانوا منهم بسبب تأخير إصلاح السياره
رايكم اخذ توربو Ltz 250 حصان ب 126 الف كاش غاليه اشوف او مكينه عاديه ب 112 الف كاش
والسرعة ما احتاجها بسبب ساهر وخطوط ما تأهل للسرعه يهمني العزم والصرفيه والراحه والمواصفات وسعر القطع الاستهلاكية مناسبه
وياليت أصحاب الماليبو الشكل الجديد يفيدوني باستخدامها َوتوفر القطع بالوكاله شلون
إبلاغ
الردود
بس بأعلق على موضوع السعر..غاليه جدا..
لو ودك تشوف فئة LT2 سعرها ٨٨ الف مع الضريبه عند التوكيلات..وتجي جنط
١٨ وشاشه وبصمه ع الاربع ابواب وبانوراما
أما انك تدفع اكثر من ١٢٠ على ماليبو اشوفها كارثه..
1
0
0
1
سلطان انا عاجبني الفل لأن فيها رادار وذا الشي مهم بالنسبه لي وش رايك انت؟
كمان فيها ارباقات جانبيه وبالمراتب
0
1
قسم بالله ان كل المواصفات اللي سعيت وراها..ما استفدت منها نهائيا ولا استخدمتها
الرادار شغلته أول ما طلعتها من الوكاله للتجربه وما كررت استخدامه نهائيا
فتحة البانوراما ما استخدمتها الا مرات قليله جدا
تنبيه الخروج عن المسار كذلك شغلته للتجربه فقط وبقية الوقت ملغيه
الشي الوحيد اللي استفدت منه هو التبريد والتسخين حق المراتب
أنت تأكد من مواصفات ال LT2 وشوف كم عدد الايرباقات وقارنها مع الفل..
والله يكتب لك اللي فيه الخير..
لكن بكل أمانه اذا بتدفع فوق ١٢٠ الف..ادخل على الامبالا بدون ما تشاور
1
0
انت تقول الاجمالي 162 الف والدفعه الاخيره ٤٢ الف..يعني بعد ٥ سنوات ما راح تجيب لك السيارة ٤٢ الف أساسا
أنا ما عندي اعتراض على السياره ولا لي تجربه معها..اعتراضي فقط على السعر المبالغ فيه جدا..
الشي الثاني..انا طلعت الامبالا عن طريق البنك الاهلي..وكان التأمين (الاتحاد التجاري)
انصدمت السياره عند البيت وللأمانه خلصت اجراءات التأمين في يومين وحولوني على الوكاله..بعدها رحت نسقت مع الوكاله بعد ما يجيبون القطع ويرشونها اسلمهم السياره الصباح واستلمها في نهاية الدوام.
وفعلا هذا الحاصل الموضوع كله على بعضه ما أخذ أكثر من أسبوع
فلا تخاف من ناحية التأمين
2
0
عندي سؤال ليه ما استخدمت الرادار؟ انا اشوف بحتاجه خصوصا نقاط العمياء
وعندي سؤال كمان كم إجمالي سيارتك للعلم انا حصلت بالمعارض ب 162 بالرياض وانا بالجنوب يعني مافيه الا الوكاله واكيد بتطلع أكثر
تصدق والله فكرت وقلت بأخذ lt2 تيربو بس مشكلتها 4 ارباقات وبدون تسخين وتبريد
ابي الفل تيربو بس غاليه والله يكتب الي فيه الخير
0
0
ما يشتغل الا بعد سرعة ٦٠ تقريبا وغير كذا ما يهدي السرعه اذا فيه سياره قدامك
مجرد تنبيهات مزعجه وتسبب لخبطه للسايق وتفصل المسجل
اجمالي سيارتي اذكر كان بحدود ١٨٢ الف تقريبا..
واخذتها على فكره من التوكيلات اللي في ابها عند كبري المطار وعن طريق البنك الأهلي.
وعموماً..ترى اختلفت حسبة البنوك من بداية شهر ١٢.
صاروا ملتزمين بنسبة الاستقطاع الجديده بحيث ما يتجاوز اجمالي الاستقطاع ٤٥% من الراتب (قرض شخصي وسياره وعقاري )
وبرضه اعطهم جهة عملك ممكن يكون لك فيها خصم..
انا اتذكر خصموا لي من قيمتها حدود ٣٠٠٠ ريال وبعد ما اشتريت السياره اعطوني قسائم شرائية من سيتي ماكس ب٣٥٠٠
0
0
الربح 3.75
0
0
مشكلتها قطعها و صيانتها عند الوكيل فقط
و المكينة العاديه صرفيتها متوسطة نفس السوناتا و الاوبتيما
ميزتها سعر الاستاندر بالمعارض نازل
سعرها غالي اذا بتوصل لفوق الميه
شف الاكورد نص فل ب١٠٢ فتحة
او التيما فل كامل مواصفات ممتازة ب٨٥ بالمعارض
شيك على قناة عماد الدين باليوتيوب
و لو تشوف لك جيب كروس اوفر تستفيد منه اكثر من سيارات السيدان
من تجربة شخصية
قبل 6 سنه و 2 شهر