موقف محرج ياشباب
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
إضغط هنا للإخفاء
السلام عليكم
اليوم موضوعنا بعيدا عن السيارات
ياشباب تو حصلي موقف مؤلم ومحرج
واتوقع انه راح يبقى عالق في ذهني سنين !!
كان عندنا حفلة حريم فالبيت والاهل قالو صرف
نفسك لين تخلص الحفلة الزبدة انا ماعندي اصدقاء
واجد كلهم كم واحد ومو ذاك الميانه المهم قلت اقضيها
فرفره بالسياره لين يطسسون الضيوف وارجع للبيت
والآ السياره يوم اشتغلت لمبة البنزين وقررت اصفط
واتكي بالسياره لين الساعه 10 وارجع للبيت والمشكلة
وقفت بين مطعم حق رزعالشارع العام وبين مصانع مياه
بشارع مضلم لكن قدامي الشارع العام الزبده تكيت ربع
ساعه الا الدورية تلف من الخط السريع عالحاره او السيب
المظلم اللي انا واقف فيه وتعداني وهو يديور ويجي يوقف
عندي اثباتك ورخصتك وانزل ووش عندك هنا وانا خذلك
تلعثم وخربطة فالكلام ههههه ماتوقعت ولو لواحد بالمية
ان الدورية بتلف مع هاللفه اصلا !! حتى السيارات ماتلف
معها الزبده وقف ونزلني ويفتش السياره ويلقى حبوب حقت
مستشفى وقام يسال هذي وش وانا اذكر انها حقت الوالده تستخدمها
للسكر ومن قوة الموقف قلت مدري وفتشني وفتش السياره وريقي
نشف من الخرشة انا معروف اني سليط اللسان وما اخجل لكن هالموقف
جاتني ام الركب وعقبها عاد يوم مالقى شي وشاف وجهي بريى وبدا يهدي
حلفت له بالله كذب اني انتظر واحد من اهل الرياض جاي ومايدل هالديره
وقلتله اول ماتدخل حفرالباطن تلقى المطعم الفلاني وبجنبه مصنع وتلقى حارة ضيقه
تلقاني انتظرك والعسكري ما اقتنع وشاك فيني وقعدت احلف له واتلعثم بالكلام هههه
وقال وقفتك هذي ومدنق راسك لاني كنت اطقطق فالجوال
يا انك تنتظر بياع او بتسرق المطعم وابحشمك عنك السرقه لانك
ولد قبايل بس شكلك تنتظر بياع وحلفت له اني دخان ما ادخن شلون انتظر بياع مخدرات
وقعد يناظر فالاثبات وجه برئ حتى شنبي خفيف قال حرك واحسه للحين شاك
الزبده يالربع هذا الموقف الكئيب الي صارلي اتمنى الاخوان انهم مايكررون غلطتي
ولاّ تحطون نفسكم باماكن الشبهات وقبل لا انسى ابي علاج للمواقف المحرجه كيف
انساها وجزاكم الله خير واتمنى اللي بيرد يرد رد زين ولا يسكت افضل
![إبلاغ](https://montada.haraj.com.sa/images/alert.gif)
الردود
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
عندك رهاب حاول تطلع كثير وتقابل ناس ومناسبات وراح تتحسن بإذن الله والموقف عادي جدا
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
مع ناس واكلم اي واحد غريب حتى لو اني ماعرفه
وفيني جرأة حتى لو اني بيتوتي لكن احضر مناسبات
واروح واجي والخجل هذا الحمدلله مو فيني لكن بعض
المواقف المفاجئة ماتقدر تسوي معها شي
وانت يابو وليد صدقت انا فيني خوف من اي سفتي
اقدر اتعامل مع أي كائن الا رجال الأمن مدري وش يجيني!!
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
وهذا التلعثم والخرشة بسبب قعدة البيت وصدقني من واقع تجربة قعدة البيت ما تجيب الا الهم وامور كثير سلبية
بالنسبة لك ما عندك اي مرض بس لازم تحتك بالناس كثير يعني اذا في زواج روح حتى لو مالك رغبة
اذا مثلا كنت تغسل الموتر واحد معه نفس موترك عادي اشطح عليه لا تستحي اهم شي خلك جريئ
اما الشبهات ذكرتني بكلام علي بن ابي طالب
من وضع نفسه موضع الشبهات فلا يلومن من اساء به الظن. علي بن ابي طالب
فحاول تبعد عن نفسك الشبهات
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
وانا ماهمني ضحكت جحا وهروج ابو نواس ... .. اعرضها على صفق الهواء حتى تعداني
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
:))))))
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
هو مخرووووش مرررره
سالوه وين اثباتك قال بالبيت
فتشوه طلعو البطاقه من جيبه قالو هذي وش هي هههههههههههههههههههههههههههههه
قال من الرشاشات هذي ماعاد اردي وش اقول
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
المفروض رتبت الأمور من البداية أنك تزور واحد من الأقارب أو الأصدقاء
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
وتصرفك تلقائي وردة فعلك طبيعية بحكم المفاجأة واندفاع الشرطي واتهامك ب ....
ولاينقصك شئ معنوي بالعكس الهدوء واجب والحكمة مطلوبة ولين الجانب ضروري
ولـــــــــــــــــــكن المــــزيد من الثقة والثبات تُدعم موقفك وتقوي حجتك .
والله المُوفق.
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
اكبر من حجمه !! قبل سنتين كنت قاطع العلاقه بيني وبين ربي ولا اصلي واي موقف اهتز
منه ويقعد براسي شهور وهذا اول موقف محرج يجيني بعد الهداية من سنتين تقريبا ومحافظ
عالاذكار والاستغفار وقراءة القران يوميا .. وما اخفيكم انه بدا يتلاشى من راسي مع ان ماله اقل من 14 ساعه
وتحسفت اني كتبت الموضوع !! بديت اقتنع ان الافكار السلبيه ذي ماتسيطر الا ع المهمل لصلاته
وان المواقف التافهه يكبرها براسك الشيطان وهي ماتسوى
وجزاكم الله خير ياشباب واشكر كل من رد علي رد جميل
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
بفضل الله واعتقد عندك مشكله بسيطة ولازم تخالط ناس اكثر
وتطور مهارة التواصل عندك.
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
حتى لو شيء مفاجئ وقفك عسكري فتش خد راحتك بس يتهمني بشيء مهوب فيني
لا يوقفني الا الشرطه اشتكي عليه او اوقفه عن حده مايجوز يتهمني بشيء مو فيني و يهيني
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
![up](https://montada.haraj.com.sa/images/up.gif)
![down](https://montada.haraj.com.sa/images/down.gif)
عادي اتوقع معظمنا صار له نفس هالموقف
عن نفسي ايام الثانوي ماكنت اذاكر الا بالسياره وبحارة مظلمة
وكنت اتفتش وحوسه بس مشت الامور
ماراح تروح هالمواقف من الذاكره بس الحلو فيها لا كبرت بتذكرها وتضحك
وبالتوفيق
قبل 5 سنه و 11 شهر