بشأن استفساراحد الاخوان على مكان حساس الحرارةالتحتي كابريس92

هذه الصور بعد رفع السيارة

بإمكان الاخ ان يفك القديم بيده بمفتاح من عنده والسيارة باردة عشان الحساس بجانب العادم فتكون
الحرارة حوله عاليه جدا ويذهب ويستبدله بآخر بتقريبا 100 او 90 ريال

وبالتوفيق ان شاء الله

بيض الله وجهك  

بس لو سمحت كيف كانت مشكلة الحراره معك .

الاخ al-king4040 بارك الله فيك راجع موضوعي بالرابط التالي:

الخطوات بالترتيب وراجع ردودي الى النهايه

http://chevrolet.montada.haraj.com.sa/7171/%D8%B9%D9%86%D8%AF%D9%8A-%D9%85%D8%B4%D9%83%D9%84%D8%A9-%D8%AD%D8%B1%D8%A7%D8%B1%D8%A9-%D8%A8%D8%A7%D9%84%D9%83%D8%A7%D8%A8%D8%B1%D9%8A%D8%B3-%D8%A7%D9%84%D8%B5%D8%A7%D8%A8%D9%88%D9%86%D9%87-92/

هذي المواضيع المفيده اللي عن تجربه وحل لمشكلاتها الله يكثر أمثالك 

بس حبيت أسأل أخوي هل المقصود بحساس الحراره قارئ حرارة المحرك على العدادات أو وش بالضبط

الفكرة بحساس الحراره العلوي والسفلي (المتصلين كلاهما بسلك كهربائي وفيهما مجسات
تحس بمقدار الحرارة والبروده زي الترمومتر)

ان العلوي يحس بحرارة الماء بعد ما تطلع من الماكينه حيث تكون عاليه
والسفلي يحس بها قبل دخولها للماكينه حيث تدخل وتبردها

فيحسب الفرق بين الاثنين وتقاس النسبة بينهما وتظهر على هذا الاساس الحرارة
على المؤشر عندك بالطبلون

جزاك الله الف خير والكل يستفيد ان شاءالله هذي حل ان شاءالله للي عنده مشاكل بالحراره وسوا كل شيء ولا صار شيء وان شاءالله بجربها 

تسلم على الموضوع وعلى المجهود الرائع .. ولك احلى لايك ..

بارك الله فيكم جميعا

بيض الله وجهك

اولا : السلام عليكم
ثانياً : احب احيي الأخ قمم المجد على موضوعه المتميز , لأن مشكلة الحرارة في الكابرس الصابونة ياللي عندي صارلها خمس سنين وما في حد عرف حلها
بدأت المشكلة كالتالي :
كان مؤشر الحرارة في السيارة وقت الظهر وفي الزحمة يوصل الى النصف واحياناً يتعدى النصف
ولكن في الخط تنزل الحرارة للثلث , وحتى في الخط عدما كنت اعجل بالسيارة وادعس واكرفها كانت ايضاً توصل للنص
وبدأنا بالأجراءات اللي الها أول وما الها اخر
قالوا غير الراديتر أربعة رصات وغيرنا (ما فرق شي)
غير تماتيك المروحة , غيرنا وما فرق شي
غير بواجي واسلاك (وما عرفت شنو دخلها بالموضوع) , المهم غيرنا وما فرق شي
غير طرمبة الماء ,غيرنا ولا فرق شي
(وطبعاً هاي كلها مصاريف عالفاضي)
ركب مروحة كهرباء , ركبنا وكان الفرق لا يذكر
شيل بلف الحرارة , غير بلف الحرارة , غير مؤشر الحرارة , غير حساس الحرارة اللي فوق (ما كان في احد يعرف انه فيه حساس تحتي)
قالوا السبب من راس المكينة , وضبنا راس المكينة (وما كان فيه شي)
اخر شي مليت وقلت ابقي السيارة على حالها لحين ما تخبط المكينة واخلص
لكن عدما قريت هذا الموضوع وشفت الحالة نفس اللي عندي قلت لحالي اجرب , واللي راح اخسره ما يتقارن باللي خسرته
وفعلاً فتحت الحساس بيدي واخذته ورحت للوكيل وشريت واحد جديد
وشديت الحساس وعبيت موية أي سي ديلكو وطلعت بالسيارة في عز الظهر وتوجهت لأزحم شارع والمكيف شغال
أخلص من الزحمة وأرد ادخل فيها ثاني , بعدين ركنت السيارة جنب البيت وانا جالس فيها (والمكيف شغال) ومؤشر الحرارة ما تعدى الربع
ومن فرحتي بـ(الأنجاز) ياللي سويته قلت أسجل بالمنتدى علشان أشكر صاحب الموضوع المتميز وان شاء الله المزيد من الابداع المتواصل ولك من احلى واجمل تحية
واعذروني عالاطالة

الله يوفقنا واياك
والله انا بلشت في نفس خطواتك بالضبط بس الحمد لله اني عرفت ان فيها حساس تحتي
والصراحة غيرته على سبيل التجربة مثله مثل غيره بس الحمد لله تم الموضوع وقلت افيد الناس عشان يشتكون كثير من الموديل هذا
الف مبروك عليك والله يبارك لك في موترك يالحبيب