أضف سؤال أو موضوع جديد          

استشاره في استعادة سيارة بعد بيعها

up 0 down 3
الحويزي1 1127
قبل 4 شهر و أسبوع



السلام عليكم و رحمه الله

عندي استشاره يا جماعه الخير بخصوص استعاده سياره بعتها قبل ثلاثه شهور كابرس 2013

بالرغم اني بعتها و انا خسران فيها تقريبا 70 الف واستخدامي لها 4 سنوات. طبعا بعد ما بعت السياره كأني تندمت وخاصة اني احترت وش اشتري مره جيب مره سيدان واللي بأشتريه مستعمل وخايف من الغش بينما سيارتي اللي بعتها مافيها عيب وامورها تمام، بس لانها كانت شبابيه ومحتاج سياره رسميه. اما جيب لكزس 2008 الى 2013 او سيدان es350 موديل 2016 او 19

قبل كم يوم ارسل واحد من اخواني رابط اعلان في موقع حراج دخلت عليه الاقي موتري معروض للبيع الكابريس، وانا بعت على الرجال ب 44 ولقيته يقول ان السوم تقريبا 30.

طبعا خلال ثلاثه اشهر هذه مشاه حوالي 15 الف يعني صار العداد الحين فوق 200 الف، وقال السياره واقفه في معرض ورحت شفتها بالمعرض ولقيت البودي ماتغير اي شيء نفس البدي اللي كان معي رشات تجميليه في احد الجوانب، اللهم ان اللي تغير علي فيها شغلتين. السياره جاها اثر سافي قوي طلع بعض اجزاء البويه، ونزلت اناظر السياره من تحت ابي اشوف بطنه باقي نظيف ولا لا. واشوف دبه التلوث اللي تحت السائق عليها زيت بالرغم ما اذكر في السياره تهريب زيت يوم كانت معي.

ماادري متخوف من استرجاع السياره لأن اللي اشتري السياره باقي صغير اتوقع انه جار على السياره بالتدعيس ولعن خيرها، يوم يجربها قبل يشتري لعن والديها بالدعس، طبعاً اذكر قلت بنفسي لو اشترى فصارت حلاله ومافيه لزوم اتكلم عليه. واما اذا ما اشترى فوالله مايروح الا بعد ما اسمعه كم كلمه كانت في بالي، واللي مخوفني من استعادتها ان السياره مشت حوالي 15 الف خلال فتره بسيطه... ما ادري متردد، لو ادري انها مثل ماكانت قبل ابيعها احتمال اتوكل على الله وآخذها بالرغم اني يوم بعتها، طايبه نفسي منها ومو من عيب بس لانها سياره تعتبر شوي شبابيه...

بالنسبه لصرفيه البنزين كانت كويسه اعبيها 90 ريال تمشيني تقريبا اسبوع، يعني من 500 الى 550 كيلو

لو رجعت اشتريتها اكيد اني باشتري بعد سياره رسميه لكن بأضطر انزل الميزانيه لانه بيروح جزء منها للكابرس لو رجعت وشريته...

طبعا متوقع انه يستغل رغبتي في استرجاع السياره ويطمع في القيمه عشان كذا ممكن ارسل عليه اخوي يفحص السياره ويخلي الرجال ياخذ يوقع المبايعه بعد ماياخذ فلوسه، وانا اجي بعدين للمعرض اوقع الشراء واسوي التأمين وانقلها، وبنفس الوقت احس الحركه فيها تلاعب وسوء ظن مسبق، واحتياط ماله لزوم...

بالرغم ان بيعته للسياره الحين بتكون بخراجه، يقول مسيوم 30 بس يمكن مايبيع الا بنفس راس ماله...

واحيان اقول بأجيه من البدايه واذا شفته طمع فيني، كنسلت الموضوع والله يرزقه...

مدري محتار وابي رايكم الله يسعدكم...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام 

اشور عليك انك تترك هالسيارة وتشوف لك غيرها 
ما تدري بعد هالمدة هذي وش صار فيها لذالك توكل على الله 
وشف لك غيرها.


up 4 down 0
abomesal 1023
قبل 4 شهر و أسبوع



والله يا غالي اذا تبي سيارة رسمية خذ لك كامري أو مازدا 6 أو التيماء ممتازين واستهلاكهم للبنزين قليل و بالخطوط تمشي أكثر من 600 كيلو
واذا تبي سيارة حمار مكده للخطوط خذ لك النترا أو اكسنت فل 65 للنترا و فل 50 للاكسنت وتمشي 500 إلى 600 كيلو وسط بلد وخطوط


up 2 down 4
عافسهم -22
قبل 4 شهر و أسبوع



من وجهة نظري أن تتركها وتشتري جديد أحسن لك وعلى يدك .

ما أدراك إنه لعن خيرها ومثال على ذلك ناس تطلع السياره من الوكاله ومامشت ألف كيلو تلقاه

سوى فيها حادث وبايعها سكراب .

وإنت من ضمن إختياراتك ( سيدان es350 موديل 2016 او 19) اللكزس سياره جميله

وعلى يدك جديده بتكون خيار جيد .




up 1 down 0
jakwar2004 320
قبل 4 شهر و أسبوع



انت مثل اللي يرجع طليقته بعد ما طلقها واحد ثاني !!!
دور تحصل انواع و اشكال من السيارات
غير النوع انصحك شف لك جيب كروس اوفر
عشان تروح نفسك عن الكابرس


up 0 down 0
1405-1985 1238
قبل 4 شهر و أسبوع



ماانصحك، بعد ماتشتريه بتقول ليش تهورت واشتريته. غير صرفية البنزين كل شوي بيتعطل وتكره حياتك


up 1 down 0
dell2012 826
قبل 4 شهر و أسبوع



نصيحة ابعد عنها لو كانت ممتازة ماتركها صاحبها الاول ولا وقفت في المعرض
لو افترضنا مافيها مشاكل هل تتوقع تتوقف في المعرض فترة وهل تتوقع اللي بعته يتنازل ويرميها بكل سهولة ؟
لا تأخذك العواطف السيارة هذه يلعبون فيها مقاومات مع كل اشارة ومع كل فوق تحت يعني ماتصلح للاستهلاك الادمي !
وسبحان الله خلال ثلاث شهور صار فيها تهريب للزيت !
اذا ماعندك سيارة وتفكر تشتريها راح ترتكب جريمة وتندم
عندك خيارات كثيرة ب44 الف
كيا سيراتو الشكل القديم ودوج نيون وصني واكسنت ويارس وريو وسنترا
معقوله تترك كل السيارات الجديدة وتروح للخرده ويصرف !


افحصها بتطبيق موجز وخذ تقرير عن الحوادث


up 1 down 0
splinter cell 185
قبل 4 شهر و أسبوع



هذا حنين لسياره ,, 4 سنوات مدة لابأس بها انك تحبها ،

شوف لك موتر مايصرف بنزين ،، واترك الموتر ، وانساه ،،
الحاله هذي تأتي اغلب الناس ،، تحن لشي تبي ترجع له لاكن مجرد ماتاخذ غيره خلاص تنساه


up 1 down 0
امير الاصيل 1669
قبل 4 شهر و أسبوع



نصيحه لوجه الله انساها كابرس مشاكله كثيرة


up 1 down 0
أستشاري الحب 6460
قبل 4 شهر و أسبوع



☺انساها وحب غيرها *_*


up 0 down 0
ra3d777 401
قبل 4 شهر و أسبوع



انساها دامها نستك...(امزح )
اشوف تاخذ لك لكزس ES
رسميه وعمليه
بالتوفيق


up 0 down 0
midnight_963 555
قبل 4 شهر و أسبوع



شوري عليك
سيارة وحدة تكفيك
واترك سيارتك الاولى
لو انا منك كذا بسوي
والله يوفقك


up 0 down 0



شوري عليك
سيارة وحدة تكفيك
واترك سيارتك الاولى
لو انا منك كذا بسوي
والله يوفقك


up 0 down 0