الي يعاني من كمبرسر الكابرس

12 20

لايمكنك التصويت حتى الحصول على 20 نقطة على الأقل
إضغط هنا للإخفاء

k 6 4 i 1234
قبل 6 سنه و شهر

السلام عليكم 
فى البدايه احب اقولكم ترا هذي الطريقه تنفع لتقريبا كل السيارات 
مشكلتي كانت اول ماشريت الكابرس مديل 2010 مكينه V8 شريته وكان الكمبرسر تبريده ضعيف رحت غيرته بواحد اصلي وكاله جديد مشى معي حوالي 6 شهور وخرب 
مع العلم اني قبل لاركبه مغير مبرد ومنضف المواصير والفلتر الي يجي فى الرديتر ولااستفدت حاجه قلت لازم اشوف حل كمبرسر الوكاله غالي ويخرب بسرعه 
مريت محل تبريد مكتوب عليه ترهيم كمبرسر واروح له واشرح له السالفه قالي مافيه مشكله ارهم لك كمبرسر كامري 2002  قلت كم سعره مع شغل اليد قالي تستلمها جاهزه 1200 والله وادفعها له واناصراحه متخوف المهم استخدمت السياره بعد ترهيم الكمبرسر سنه بدون اي مشاكل لاكن قبل شهر تقريبا طلع صوت فى الكمبرسر اضطريت اغيره خفت يئثر على السياره 
رحت التشليح اشتريرت كمبرسر كامري 2002 والله ياجماعه 250 هههههههه  اصلي وكاله وضغطه ماشاءالله ممتاز  والحمدلله الحين ماشي عليه تبريده ممتاز 
الخطوات الي بيسويها العامل لين جى يرهم الكمبرسر لك 
بيفصل لك قواعد بدون لحام ولاحاجه لاتخاف واذا جيت تبي ترجع كمبرسر الوكاله ترجعه بدون اي مشاكل 
يفك البكره الي تجي على الكمبرسر حق الوكاله ويركبها على كمبرسر الكامري 
ويفك قاعده الي يركب فيها المواصير وينقلها على كمبرسر الكامري 
الشغله اذا كنت تبي ترهم صراحه تطول تاخذ تقريبا 6 ساعات بس بعدها اذا بتغير الكمبرسر ماتطول تاخذ ابوساعه كذا 
ولاتنسى قبل لاتركب الكمبرسر تشتري زيت كمبرسر اصلي اناخذيت حق ايسديلكو سعره 75 ممتاز وفيه شركات ثانيه بس ماجربتها 
ونصيحه رح لصاحب المحل اذا قالك بيرهم لك اسئله قله بترهم حق اي سياره خذ اسم السياره والمديل وقله انابجيبه لك من التشليح كم تاخذ تركيب 
لى اني صراحه العب على حسب لي الكمبرسر حول500 ريال ويوم جيت اغيره حصلته 250  ههههههههه عوافي  
الي سيارته تبريدها ممتاز ولايشكي كن خرابات الكمبرسر خلها على وضعها لاتحركها 
وترا الي يشغل المكيف ويدوس على السياره هذا يخرب الكمبرسر 
ابحط صور قاعده الماصوره والبكره والكمبرسر ورقمه وصوره زيت الكمبرسر 

إبلاغ

الردود