وش أفضل أنواع الرديترات بالسوق

حسب الصورة يتعدل بالذات اذا مافيه تهريب. و لا يأثر في الرديتر.

ياغالي انا مو شايف اي ضرر بصراحه

مجرد تعرجات بسيطه بالريش اذا مايهرب لاتغيره

لو تشوف رديتر سيارتي من السافي بتهون عن تغييره

ماحد ملاحظ اللى عليها دائرة حمراء مطعوجه
انا ذكرت اني متخوف يضرب فجئ ولا يسبب لي حرارة ويخرب على الطرمبة الماء ويجهد المراوح وتضعف

حاليا قررت اغيره للحيطة والحذره عالعموم لحد الان انتظر ردودكم

الان هل يوجد بدائل تجارية في سوق المحلي غير ((الصينية)) ، يحل بمحل الوكالة
سمعت فيه الاردني ومكسيكي هل يمشي سنة قدام وهل فيه بدائل غيرها تمدحونها على ذمتكم وتجربتكم ؟

الاردني ممتاااااااااااااز جدا

ي الغالي الاديتر كويس عندك اللي بدائرة الحمراء دقه بسيطه ومالها تاثير اذا مافيه تهريب اذا بتغير الأردني مضبوط مره وابد الاديتر ماله علاقة لا بطرمبة الماء ولا المراوح موفق...

الماء اللى يدخل بالرديتر لازم يبرد ثم يرجع للمكينة على الطرمبة الماء
واذا الرديتر مسدود مارح يبرد الماء وبكذا الطرمبة رح تجهد نفسها وتخرب بدري

خلاص يالربع انسوى شي اسمه تقييمكم للرديتر ، الحين عطون الاجابات على الاسئلة التالي لاهنتم


الان هل يوجد بدائل تجارية في سوق المحلي غير ((الصينية)) ، يحل بمحل الوكالة
سمعت فيه الاردني هل يمشي سنة قدام وهل فيه بدائل غيرها تمدحونها على ذمتكم وتجربتكم ؟

---------------------------------------------------------------------------------


هذا سؤال لأصحاب الماليبو والشفر عموما كيف تجاربكم بالرديترات ووش البدائل من تجاربكم

وعليكم السلام 

الرديتر مافيه الا العافية باذن الله 

وبالنسبة للرديتر اخذت صيني جلس معي حوالي ٥ سنوات بدون اي مشاكل او حرارة والحمد لله 

مغيره مغيره الله لايخسرنا ، حصلت فيديو عاليوتيوب امريكي يغير مراوح ماليبو طلع نفس وضعي مضروب الرديتر حتى ضربته بسيطه جدا وغيره!
علشان كذا ماودي استهين بالرديتر وبكره يضرب على فجأة ويخلط الزيت القير بالرديتر ثم لاينفع الندم

عالعموم لازال سؤال مطروح بخصوص الرديترات اللى بالسوق المحلي خصوصا بالرياض
وش تنصحوني فيه من تجاربكم ووش انواعه وأسعارها؟ وكم تجلس سنه تقريبا ؟

أهم شي عندي التجربة خصوصا لأصحاب الشفر والماليبو

غير اردني يمدحونه بشكل عام و راعي الامريكي اللي معهم كوابرس و فوردات
لا تستهين الماليبو موتر حساس

صدقت لكن بكم سعره الاردني؟ وهل فيه درجات مثل الصيني ؟ وهل فيه ضمان ؟
حتى أكون عارف ومجموع معلومات حتى لا يحصل غش

شوف كامعي اكورد 2006. وخرب الاديتر

وكان لتحيمه وتزبيطة 130وحصلت صيني ب180 جاهز واخذت الصيني جلس سنه ما شف عليه اي شي

مركب اردني على كامري لي 3 سنوات وسعره اقل من 400 وماعانيت من شي ولله الحمد

خد اردني حتى انه يجي اسمك من الوكاله غير كذا المجاري فيه اوسع
مجربه على التيما جدا ممتار

الاردني هو اصلا صيني مجمع في الاردن معطينة اكثر من حجمه
في نوع صيني اسمه ماس اذا حصلتة لا يفوتك