أضف سؤال أو موضوع جديد          

تجاربكم للصيانة السريعه للجميح

up 5 down 15
hofo 215
قبل 5 شهر و 2 أسبوع



سلام عليكم ورحمة الله وبركاته

للأعضاء الكرام
الموتر فيه نقص زيت للقير و انا باخذ الموتر على سطحه إلى صيانة الجميح السريعه وبعمل تغيير للزيوت،

لكن لاني اول مره بتعامل معاهم ما أعرف شي عنهم خصوصا طريقة استقبال السيارة؟

سؤالي /
بعد حجز الموعد بموقعهم للصيانة السريعه الى تكون بالخارج ، هنا وش الخطوات الثانية لين حتى يتم إدخال السيارة للعمالة ويتم تغيير الزيوت كاملة؟


وشكرا









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ليش بسطحة ما تقدر تسوقها؟؟


up 3 down 2
بدر الباثفايندري 1033
قبل 5 شهر و 2 أسبوع



مايحتاج سطحة انت وصلها عندهم بعدها انزل ويستقبلك موظف الاستقبال وقله عندك موعد وبعدها تدخل السيارة

نصيحة لوجه الله اذا سيارتك قديمة او خارج الضمان لاتسوي صيانة سريعة بالوكالة يسلخونك سلخ بالاسعار اشتري علب الزيت والقطع الاصلية منهم وغيرهم برا

اما اذا كانت سيارتك جديدة وعشان تبقى على الضمان لازم تكون عندهم وتاخذ الفواتير او في بترومين مع الفواتير


up 6 down 2
xviper 132
قبل 5 شهر و 2 أسبوع



سؤالي واضح فضلا لا أمر
سؤالي عن الصيانة سريعه الخارجية تغيير زيوت فقط
وشكرا


up 2 down 15
hofo 215
قبل 5 شهر و 2 أسبوع



لان زيت القير ناقص ومابغى اشغل الموتر .


up 2 down 4
hofo 215
قبل 5 شهر و 2 أسبوع



لان زيت القير ناقص ومابغى اشغل الموتر .


up 0 down 4
hofo 215
قبل 5 شهر و 2 أسبوع



زود فلوس بس فاهمين شغلهم بدقة الصيانة السريعة ماتحتاج موعد بس تعال بدري تخلص بدري اذا شغلك مطول يبدا دوامهم 7 ونصف الى 4 العصر


up 4 down 0
بريق الرياض 263
قبل 5 شهر و 2 أسبوع



عزيزي المدرعم صاحب الديسلايك !! تراني ماغصبتك بالقوة تدخل بموضوعي ، هذا أولا يامدرعم !!

ثانيا للمدرعمين : في أول جملة كاتب السلام عليكم حتى رد السلام مافيه !! وهذا أثبات لكلامي على درعمتكم سامحكم الله !!

الاخ االمدرعم
داخل تسألني ماتعرف تسوق!! وش لك دخل ترد استفساري إلى سؤال ياملقووف !!؟؟ ياخي عندك تجربة اطرحها لنا نبغى نستفيد ماعندك لاترد ولا ابى اشوفك عندي ياملقوف!!!


المعذره من الأعضاء الكرام ، والله ملاحظ فيه دلوخ بكثره يدخلون بالمواضيع هنا ويجلس يشطحون بعيد ثم اذا جيت عدلت مسار استفسارك بكلام واضح يعطيك ديسلايك لانه الاخ يحسسك انه دافع الفاتورة معاك!!

عزيزي الدلوخ والملاقيف والمفهين:
انا لست مسؤل عنك ولامجبور انك تدخل لموضعي وتشطح بعيد وتمحور موضوعي بشطاحتك الغبيه فضلا أقضب موضوعي بغير مأسوف على عقلك البليد


up 1 down 15
hofo 215
قبل 5 شهر و 2 أسبوع



ياخــــــــي دنيا عجيبة غريبة .. الأجواء حلوة والمفروض النفسيات حلوة بعد هههههه

موضوعك إستفساري والدرعمة من بعض الناس تحسها هجولة .. ممكن أخطو بالإسلوب

لكن مني لك لايكات لعيونك ولعيون الأجواء الحلوة .. وإستفسارك ترى بعض الأماكن لك عليها والبعض مواعيدها مميزة

فالخطوات .. انت تدخل بالسيارة وتعلمهم موعدك .. وياخذون منك مفتاح السيارة والباقي أكيد راح يكون عليهم

هذا تعاملي مع الأغلبية .. لكن الصيانة السريعة ماجيتها بس ما راح تبعد كثير عن البقية ..

موفق ويرجعلك موترك ملهلب إن شـــــــاء الله ...


up 2 down 4
محمد عبدالله عمر 607
قبل 5 شهر و 2 أسبوع



ههههه الله يسعدك اخوي محمد ، بالعكس والله وضعي تمام الحمدلله لكن شوفت عينك الله المستعان !

أمين يارب وياك وأسعدني ردك وكفاني لو مافيه إلا أنت تحياتي لك .


up 0 down 0
hofo 215
قبل 5 شهر و 2 أسبوع