أضف سؤال أو موضوع جديد          

لكل الى يعاني من لمبه التشك انجن لمبه المكينه

up 16 down 2
fhody44 523
قبل 4 شهر و 2 أسبوع



السلام عليكم 
معي كابرس 2008 مكينه V8 من اشتريته وانااعاني من لمبه التشك انجن مولعه فى الطبلون فحص اكمبيوتر قالو من حساس الشكمان وغيرت له طقم حساسات شكمان بمبلغ وقدره المهم واشتريت دبات التلوث وغيرتها ومشى تقريبا شهر ورجعت نفس المشكله طفشني الموتر يشرب شرب بنزين وكربون  المهم كنت افرفر فى حراج واحصل اعلان عن قطعه تركب فى الحساس المنيوم تشتري حبتين لحساسات الى عند دبات البيئه سعر الحبه اخذتها 75 ركبتها بنفسى شغلتها بسيطه الان لها راكبه حوالى 3 شهور ماشاءالله المبه طافيه وصرفيه البنزين قلت بشكل كبير ومعاد فيه كربون الحمدلله اول كنت اشغله فى البايكه اذا جيت اركبه يكتمك ريحه الشكمان الان ماشاءالله توقف وراه مافيه ريحه طبعا هذي الطريقه تنفع للى مفرغ الدبات والى مثلى عنده الحساسات سليمه ركبها وانساها 
يعلم الله انه نيتي اني افيدكم مو عشان اعلان ولاشي حتى رقم الرجال ماراح احطه الى يبيها يدورها فى الموقع حراج ويحصلها ان شاءالله 
اتمنا اني افدتكم والمعذره اذا كان شرحي مو واضح واي استفسار اناحاضر 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نسيت اقولكم قبل لاتركبها افصل اصبع البطاريه السالب واشتغل اذا ركبت الحساسات وشبكت الافياش اشبك البطاريه ولاتنسى تنضف الحساسات قبل توكبها عشان تعطي قرايه لكمبيوتر 100٪100 


up 3 down 0
fhody44 523
قبل 4 شهر و 2 أسبوع



وفقك الله معلومه مفيده و2 لايك للموضوع وللتعقيب


up 1 down 0
fanar1 640
قبل 4 شهر و 2 أسبوع



انت مشكلتك ماهي بحساسات الشكمان 
مشكلتك في تفريغ الدبات من الرصاص مع راعيها اللي قبلك 
وللأسف كثير منا اذا راح ورشة عنده مشكلة تحصل الميكانيكي يقوله المشكلة من الشكمان لازم نفرغ الرصاص 
ونجرب ونشوف واذا ماضبط لا تحاسب وحنا للأسف نفرح بذا الشي 
ولاندري انه اخذ حقه بزيادة وهو الرصاص اللي بالشكمان يبيعه بمبلغ وقدره  



up 1 down 0
hussain4 828
قبل 4 شهر و 2 أسبوع



اناكان موتري مو مفرغ وغيرت دبات البيئه لاكن مااستفدت شي وغيرت الحساسات حقه الشكمان مافيه فايده لاكن مع القطعه هذي ماشاءالله ماتوقعتها تضبط تستاهل سعرها صراحه 


up 0 down 0
fhody44 523
قبل 4 شهر و 2 أسبوع



القطعة هذي محتاجها بشدة بس متأكد تنفع للي مفرغ الدبة
ياريت الرابط او رقم الرجال


up 0 down 0
ms3al 1633
قبل 4 شهر و 2 أسبوع



فعلا القطعة هذه مفيدة وسبق ركبتها في سيارتي لاني قاص الدبة بالكامل واستبدلتها بماصورة
وولعت اللمبة وبعد تركيب الوصلة راحت اللمبة ولحد الان مرت سنة تقريبا ولا شفت اثرها
طبعاً الوصلة اسمها: Check Engine Light Eliminator Adapter
او اكتب كذا: O2 Sensor Spacer Adapter
موجودة في موقع امازون وسعرها رخيص


up 2 down 0
dark evil 426
قبل 4 شهر و 2 أسبوع



هذا الرابط حق اعلان الرجال والمعذره على التئخير 

https://haraj.com.sa/1135107775/%D8%B3%D9%8A%D9%8A%D8%B1%D8%A7%20%D9%82%D8%B7%D8%B9%D8%A9%20%D8%A7%D8%B2%D8%A7%D9%84%D8%A9%20%D8%A7%D9%84%D8%AA%D8%B4%D9%8A%D9%83%20%D8%A7%D9%86%D8%AC%D9%86/


up 0 down 0
fhody44 523
قبل 4 شهر و 2 أسبوع



كيف الحبة ب 75 ريال حصلتها في موقع ALI EXPRESS حبتين ب 30 ريال والشحن مجاني للسعودية!!


up 0 down 0
أبوياسر74 274
قبل 4 شهر و أسبوع



ياخوي الله يسعدك موقع حراج وعلى اكسبرس موقع انااخذتها من حراج  
تقدر تاخذها من الموقع الى تبيه منت مجبور تشتريها من حراج اناحطيت اعلان الرجال عشان فيه واحد فوق طلبه 


up 0 down 0
fhody44 523
قبل 4 شهر و أسبوع



لو سمحت ابغى رقمك عندي استفسار عن  القطعه التشك انجن 


لاهنت  ركبت القطعه لاكن للحين اللمبه تشتغل وش يصير منه المشكله؟


up 0 down 0
محمد احمد النافع -1
قبل 2 شهر و 3 أسبوع