الى اهل الخبره مشكلة في قير لومينا 2007
1
0
إضغط هنا للإخفاء
السلام عليكم ورحمة الله وبركاته
ياخوان عندي مشكلة في لومينا 2007
بدأت المشكلة يوم اني كنت ماشي في السيارة على خط الرياض
كانت السيارة شغالة بشكل ممتاز ومن احلى مايكون فجأه وبدون سابق انذار
السياره طفت على وعيت انها تشتغل
صاير السلف مايدق ولا حتى يتحرك بشكل نهائي!
بعد مازهقت من المحاولة معها قررت اترجل وأجرب اني ادور الخلل بنفسي بدون ورش
قررت بأني أبدأ في فحص الفيوزات
وفعلا بديت افحص الفيوزات واحد واحد الى ان طحت على فيوز محروق مادري هو حق ايش ماكان لي خلق اراجع غطاء علبة الفيوزات
المهم ، بعد ماغيرت الفيوز جربت اشغل السيارة
على طول اشتغلت السياره بكل حلاوه
وأنا كنت شوي وأشقق هدومي من الفرح هذا انجاز كبير بالنسبة لي بحكم اني لاأفقه شي في السيارات
بس يافرحه ماتمت
بعد مامشيت بالسيارة مسافة قصيرة رجعت نفس المشكلة
السيارة طفت ومو راضيه تشتغل!!
على طول فتحت الكبوت وعلبة الفيوزات وفحصت نفس الفيوز
تبين انه رجع احترق
رجعت غيرته وصارت نفس المشكلة
جربت انواع وأشكال من الفيوزات وكلهم احترقو
بعد ماحسيت باليأس قررت اودي السيارة حق ورشه
بعد ماوصفت لهم مشكلة السيارة قالو لي ان الي في السيارة التماس وتصليحها بيكلف 400ريال
قلت لهم خلاص اتكلنا على الله بس خلوها تشتغل
خلوها عندهم حول اليومين بعدها اتصلو علي وقالو خلاص السيارة جاهزة
على طول رحت للورشه وجربت السياره شفتها اشتغلت كويس
عطيت الورشه حقهم وشغلت السياره بحرك فيها لاحظت ان السيارة جدا ثقيلة مو راضيه تتحرك زين
عرفت بعدين ان الD صار يعشق في النمرة الثالثة!
وغير كذا صار علامة تعشيق القير مايطلع في الطبلون
صار مايطلع غير الP بس
قلت للورشه انتو صلحتو لي الألتماس وخربتو لي القير
جاني اليماني الي يشتغل في الورشه وقال لي بالحرف الواحد
(حنا مالنا دخل في قرمبع التشاليح هذي)
وقتها انا شبيت عليهم وبديت اتهاوش مع الادارة واليمانية الي صلحو السيارة
ولكن في النهاية انهظم حقي
قلت خلاص آمنا بالله ووديتها ورشه متخصصة في القيور وخليته يفحصها
بعد مافحصها قال لازم نغير حساس في القير يكلف فوق 1500 ومو اكيد تضبط
انا ماكنت مستعد اخسر هالبملغ على شي مو مضمون
فأنا قلت اخذ مشورتكم اول يمكن في احد يعرف حل المشكلة
يمكن مايكلف واجد ويمكن في احد مر عليه نفس هالمشكلة
ومعليش على الأطالة،،،،وشكرا
إبلاغ
الردود
1
0
تاخذ قير كامل من التشليح مع التركيب مايتعدا 1500
0
0
اتوقع والله العالم انه ماصلح الالتماس الى فى السياره ممكن ركب لك سلك حول الفيوز ولهف منك 400 ريال جرب فك الفيوز الى تقول كل شوي ينحرق شف اذا حوله سلك او ممكن يكون وصله دايركت من علبه الفيوزات افصل الفيوز تئكد اذا قاطع ممكن وصله من جوه وتئكد اذا ملفوف حوله سلك الفيوز
مااتوقع مشكلتك فى الحساس حق القير اتوقع مشكلتك التماس والالتماس سبب قرايه خطاء لكمبيوتر السياره وصار مايعشق زين نصيحه حاول ماتحرك السياره لى انه اذا التماس ممكن يخرب عليك كمبيوتر السياره او يتسبب لك فى حرق الضفيره لاقدرالله
انامعي كابرس v8 مديل 2010 كان مراوحه شغاله على طول والمكيف مايشتغل كلما وديتها ورشه الى يقلي حساس كمبرسر والى يقول كمبيوتر وو الخ .... فى الاخير اشتريت عازل اسلاك وشطرطون اصلي وفرطت الضفيره حصلت سلك مجروح يلامس فى بدي السياره وسبب لى كل ذي المشاكل صلحته والسياره ماشاءالله رجعت وكاله
جرب سو الي قلت لك ورد لى خبر
1
0
0
0
لكن تبين ان السيارة ماتشتغل بدون الفيوز
يعني انهم ماسوو توصيلة على طول
0
0
يعني مشكلتي حاليا مو في الفيوز انا الآن مبتلش في القير
0
0
يعني هو مالك الورشه علشان يجي يعيرك بالفقر
لا اغناه الله وجعل هذه الاربع مائة ريال يعالج فيها مرضه ولايطيب
0
0
طلع لي هذي النتيجة:حساس سرعة التوربين (لايوجد اشارة)
احد يعرف هذا الحساس حق ايش
0
0
قبل 5 سنه و 11 شهر