أضف سؤال أو موضوع جديد          

مشكلة لمبة البطارية لومينا 2003

up 0 down 0
واقع الحال
قبل شهر و 3 أسبوع



السلام عليكم ورحمة الله وبركاته

اخواني عندي لومينا ٢٠٠٣ ماتشتغل الا باشتراك ..
شريت لها بطارية جديدة ومازالت المشكلة مستمرة.
شيكت على (الدينمو) فصلت أصبع البطارية والسيارة تشتغل . والحمدلله السيارة مازالت تشتغل
يعني حسب ما اعتقد ان الدينمو شغال

لمبة البطارية بالطبلون مولعه و "تومض وميض"
اما بالنسبة للبطارية اللي شريتها لون اللمبه (أسود) وانا شاريها جديدة؟!!

وش المشكلة أو الحل تكفون اللي عنده يفيدني ولايبخل علي بأي معلومة،،
لعل وعسى تكون سبب في إصلاح هالمشكلة

والله يحفظكم ويجزيكم خير الجزاء







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اول حاجه اخوي الدينمو شيك عليه يجي فيه فيش تحت ويجي سلك مربوط بمسمار شيك على المسمار اذا مشدود زين وشيك على الفيش ممكن يكون مفصول 
اذا كلها تمام مر محل بطاريات يفحص لك الدينمو يمكن التعبيه فيه ضعيفه لى انك تقول مشتري بطاريه جديده ولون المبه اسود معناتها السياره سحبت الكهربا كلها الى فى البطاريه اذا طلعت العدسه او المبه حقه البطاريه لونها اسود معناتها فاضيه مافيها كهربا 
انااشك فى الدينمو انه مايعبي بشكل مضبوط والله العالم 


up 0 down 0
fhody44 426
قبل شهر و 3 أسبوع



السلام عليكم كانت لومينا ٢٠٠٢ نفس المكينه اللي معك وكانت تسحب بطاريه وبدايه المشكله كانت لمبه البطاريه تشتغل وتطفي كشفت عالدينمو طلع عندي ضعف فحمات 


up 0 down 0
الخور قريبه 369
قبل شهر و 3 أسبوع