أضف سؤال أو موضوع جديد          

تجربتي مع كابرس ٦ سلندر بالعزم

up 9 down 16
العنزي . -4
قبل شهر و أسبوع



مساكم الله بالخير 

قبل ٥ شهور كنت ادور على كابرس ٨ سلندر وماحصلت فرريت موقع حراج و فريت السوق ما حصلت  نظيف 

لقيت واحد ٦ سلندر و مخزن و نظيف داخلياً و خارجياً 

اشتريته 
و فكرت بفكره 

اخلي عزمه نفس عزم ٨ سلندر بس بدون ما اغير مكينه 

طبعن الاقزوز عندي  مخرج واحد 

رحت التشليح و اشتريت كت اقزوز حق اس اس كت كامل من عند المكينه بعد الهدرز لي اخر شي  ب ٣٠٠ ريال 


و اشتريت انتيك شريحه ب ٥٠٠ ريال ( KN بس مستعمل ) 
و اشتريت جنوط اس اس حق المديلات الجديده ( تجي المنيوم اخف بالوزن )  ١٤٠٠ مع الكفرات 
و اشتريت شبك رويال ( علشان التهوية تكون افضل ) ب ١٠٠ ريال 
و ركب مبرد هايدن ٤٠ الف وحده ب ٦٠٠ ( جديد ) 
وركبت بلف رياضي علشان الحرارة ب ٤٠٠ ريال ( جديد) 

و اخر شي بعد تركيب كل الاشياء هاذي برمجة السياره 
فتحت ار بي ام 
زودت ضغط الهء 
قللت الصرفيه 
طولت التعشيق 
باك فير 
سرعة استجابة للدعسه 
و اشياء ثانية 

اخر شي 

صار التسارع عندي اقل من حق الوكالة بالنص 

بمعنى تسارع السياره من ٠ الى ١٠٠ ب ٨ ثواني ( مكينة وكالة بدون تعديل ) 

الان التسارع عندي من ٠ الى ١٠٠ ب ٥ ثواني و اوقات ٤ ثواني ونص ( بعد التعديل ) 

و الان صار العزم عندي عزم ال ٨ سلندر و صرفية ال ٦ سلندر 

و الصرفية الان ٩ لتر لكل ١٠٠ كيلو 

وبس ذا الي صار معي و حبيت اشارككم الموضوع 

الي عندي اي معلومة او اي اقتراح او اي انتقاد يتفضل 









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههههه اجل عزم 8 سلندر والله لوتعدل من الحين لين بكره ماجاء مثل عزم 8 اذا تبي اقنعك تعال جرب معي انابرياض مته مابغيت حياك الله 
قول زاد عزمه بس تقول عزمه مثل عزم 8 هذي قويه راجع معلوماتك ياالغالي  


up 6 down 5
fhody44 426
قبل شهر و أسبوع



يالربع وين تتعلمون الثقافة هذي
ما عرفت شي غير القزوز

استثمرو هذي المواهب بشيء ينفعكم وينفع الوطن
لو مشروع صغير ورشة مثلا


up 6 down 8
Abdullah 555444 -2
قبل شهر و أسبوع



كلامك غير منطقي ياعسل
كان الشركه نزلت 6 سلندر فقط وغيرت الاقزوز
ليش تتعب نفسها وتصنع مكينه كبيره
لكن الله يهنيك فيها ويطرحلك البركه
والركاده زينه


up 5 down 2
احمد 170 304
قبل شهر و أسبوع



حياك الله 

ممكن قد حصلت على زيادة فالعزم ،،،لكن بكل المبالغ اللي صرفتها كلن حصلت لك ٨ سلندر نظيف


up 1 down 1
ابو حسين.......... 892
قبل شهر و أسبوع



فلتر شريحه واقزوز وكاله وبرمجه وفرق معك 4 ثواني كامله؟ يا رجلل
تاكد يمكن انك مركب كام و ستروكر ومركب بروتشارج بالغلط:)


up 2 down 1
abdullah_rea 240
قبل شهر و أسبوع



معليش برد عليك بحكم خبرتي و تجربتي بالكابرس خاصة
و معي حاليا 2010 مكينه 6 سلندر
و يكون بعلمك موديل 2010 مختلفة كهرباء و كويلات المكينه و قوته عن 2007 اللي معك
حتى القير مختلف و كمبيوتر القير مختلف
2010 يجي اقوى بفرق واضح و تلافوا كل المشاكل الموجوده بالموديلات السابقه
2007 و 2008 دائما فيها مشكلة السفتي مود

عموما نتكلم بواقعيه انا اصلا دورت مبرمج لـ6 سلندر ما احد يبرمجه حتى اللي كلمتهم يقولون نبرمجه
و لا رحت عندهم يقول لا البرنامج ماهو عندي بس كلام فاضي البرمجه كلها على 8 سلندر

عموما كت حق 8 سلندر مستعمل ما تحصله بالقوة بـ1500 ريال وين تقول 300 ريال

الشيء الثاني بلف رياضي لـ6 سلندر مافيه و اذا انت صادق صور البلف او لو تقول ركبته
عطني رقم اللي شريته من عنده انا اكلمه و اخليه يرسل صوره من الموجوده عنده أتأكد
لان مالها بلف رياضي

نجي للتسارع قبل التعديل تقول 8 ثواني هذي تحلم فيها
بعد التعديل 4 و نص صارت بورش حتى 8 سلندر ما تجيبها بالوقت هذا

يعني لو نقول ركبت سوبر شارج او توربو فعلا تزيد
لكن فلتر و بلف رياضي و كلام فاضي
شكلك تسمع الصوت تحسبه فعلا صار قوي و هو نفس الوضع ما تغير شيء
لو انك بجده او حولها بمكه مثلا
ما عندي مشكله اقابلك و نشوف اذا ما طلعت عليك وانا ما عدلت ولا شيء حتى فلتر ما ركبت
ومعي 6 سلندر


up 11 down 7
التركي حبيب الكل -197
قبل شهر و أسبوع



هذا الكلام يا التركي حبيب الكل ابلع لايك 


up 3 down 4
fhody44 426
قبل شهر و أسبوع



يا ابن الحلال قبل اسبوعين واحد وصاني على كابرس 8 سلندر يبي يشتريه
رحت جربته دعست له أنخرشت ههههههههههه
كنت احسب الفرق اقل من كذا بين 6 و 8 سلندر
طلع 6 سلندر ولا شيء عنده


up 0 down 2
التركي حبيب الكل -197
قبل شهر و أسبوع



ال V8 طياره بمعنا الكلمه ماشاءالله يكفيك تدوس له على سرعه 80 يقعد يحفر ماشاءالله ✈️


up 0 down 2
fhody44 426
قبل شهر و أسبوع



الكابرس 6 سلندر 240 حصان

الكابرس 8 سلندر 360 حصان

120 حصان فرق مستحيل تحصل عليها بسهولة غير أنه مكائن الستة سلندر في الكابرس حساسة ومن السهل انها تخبط

وحتى لو زودتها فالكل يعرف أن الصرفية رح ترتفع خصوصاً مع الدعس

بدل هذا التعب خذ 8 سلندر وبدون تزويد وتكون نظامي وتحصل على عزم أكثر من تزويد الستة سلندر والمخاطرة وأقل شيء ممكن ما ينفحص الموتر بسبب التعديل


up 6 down 0
أبو عبادة 4341
قبل شهر و أسبوع



شوف جزء التعديلات الأول كلها ديكورات كأن الواحد يكشخ على نفسه ولا تزود شيء بالعزم. الجزء الثاني 3 شغلات هي بمعنى واحد يعني شيء واحد. القير لما يطول يعني بيزيد الار بي ام و بفتح اكثر من الطبيعي وكلها شغلا تضر المكينة. واصلا لو حولت تعشيق يدوي بتعطيك نفس الشئ. والمكينة هذه نفس اللومينا كانت عندي من زمان ونسبتها 86 % وكانت كرولات تطرحني بالخط :( وبعدين ال8 سلندر ٣٦٠ حصان من افشل الصناعات شوف الالماني والموري والياباني مكاينهم ال8 تعطي فوق ال 400 حصان وهي اصغر ب 1 لتر يعني 1000 سي سي اقل. لهذا السبب ماينافسوا بال 4 ولا ال6


up 1 down 3
dell2012 826
قبل شهر و أسبوع



الي يميز الكابرس V8 اول حاجه قطع الغيار اذا بتوضب رخيصه قطعه ثاني حاجه كيف حكمت عليها انها من افشل الصناعات ؟؟عندك مكينه LS2 الي هي على الكابرس هذي 360 
شوف مكينه LS3 كم حصان ؟ عندك الي راكبه على الكمارو 2016 تجي 455 حصان  
والميزه الحلوه فى مكاين LS انك تعدلها ماتكلف عليك كام هوائيات برمجه على مكينه LS2 توصل 400 حصان براحه  ومكاين تتحمل انااستخدمها من سنين وصيانتها مو معقده لدرجه شخص مبتدى فى الميكانيكا يقدر يسوي لها صيانه هذي الي يميزها عن محركات الالماني عندك الالماني الي تتكلم عنه والله لوتفتح كبوته تفتح فمك ماتدري كيف تصلح الي تبيع لدرجه انه مو كل الورش تشتغله وقطع توضيبه قارنها مع سعر حق مكاين LS اصلا لوفيها خير مكاينهم كان رهموها على الجيوب والهايلوكسات ليه يرهمون مكينه لكزس ومكاين LS. ؟  
الالماني فخامه رساوه معك   
شف فيه مقطع فى اليوتيوب كابرس ماشي مع مرسيدس اس 500  اكتب فى البحث كابرس رويال VS مرسيدس اس 500 ويطلع لك  
المرسيدس اس 500 يجي 455 حصان مشا معه الكابرس وكلهم ستوك ؟ 


up 1 down 2
fhody44 426
قبل شهر و أسبوع



برد على dell2012
تقول كان معاك لومينا و تطرحك كورولا
لا تقارن سيارتك بباقي السيارات اذا اللي معك كانت رايحه فيها بغض النظر عن نسبة المكينه
معروف حتى لو عندك حساسات الشكمان يطلع الكود حقها يضعف العزم و يزيد صرف البنزين
ولو حساس الثلاجه او الثروتل و غيرها فيها ضعف واحد منهم بس يطيح عزم السيارة
أكيد كان عندك مشكله بأحد الحساسات و سيارتك رايحه فيها بالعزم تتوقع الامريكي كله كذا

بالنسبة للمكينه 8 سلندر تعطي 360 حصان
هذا هم حاطينها على الحد الادنى تقريبا من القوة
الدليل انه فقط برمجه تزيد من RPM يفرق معك العزم شيء كثييير بدون ما تركب اي قطعه على المكينه
لان الكابرس الطبيعي يعشق على 6000 دورة للمكينه
بينما سيارات ثانيه عندك الالنترا مثلا قبل اسبوع جربت وحده و هي مكينه صغيره تعشق على 6700 دورة
الكابرس يزيدونه شيء بسيط على 6300 يفرق العزم كثير
و تعال شوف الكابرس وهو اغلب مستخدمينه يكرفونه عايش موديلات 2007 الى 2012 لحد الان بكثرة
بالمقابل شوف الكوري و الياباني حقك
الازيرا و السوناتا و الافالون و الاوريون اللي تتكلم عنهم انتهت ما عاد لها وجود بالشوارع
تجي تشوف مكينه الازيرا حجمها 3500 و ضعيفه
تجي تشوف الاوريون و الازيرا حجم المكينه 3500 و تجي الاوريون 268 حصان
الامبالا بالمقابل نفس حجم المكينه تقريبا بقوة 305 حصان
و تخدم اكثر من سيارات الياباني و الكوري كلها
جيب لي اوريون او افالون او ازيرا باقي مكينه و قير شد بلد نادر جدا
هذا لو كانت موجوده بالشوارع 4 سنوات و تختفي ما عاد لها وجود بالشوارع الا قليل جدا
حتى الجيوب اللاندكروزر من موديلات 2000 الى 2006 وينها قليله
بالمقابل الجمس مثلا باقي منتشره بالشوارع و تحصلها بالخطوط مسافره
و الالماني يعطي نفس قوة الامريكي ما عدا فئة AMG فهو عليه سوبر شارج يعني ماهو تنفس طبيعي
لا تقارن مكينه تنفس طبيعي بمكينه سوبر شارج


up 2 down 5
التركي حبيب الكل -197
قبل شهر و أسبوع



ي dell2012
مكينة الكابرس l77 طالعة من عهد جدي والسيارة طالعة كملت الآن 12 سنه
وما زالت مكينة جبارة وتعديلها جدا جدا جبار
ولو جينا على عدد الاحصنه واللترات لو نجي بمنطقك الفرق بين الكابرس والجينسسv8
حدود 60 حصان ومع ذلك اللي نشوفه الجينسس تنمغط من الكابرس
واما حكاية معك لومينا وتقوم عليك كرولا فالخط فهذي والله قوية ولا الظاهر كنت تعبي ديزل


up 2 down 0
abdullah_rea 240
قبل شهر و أسبوع



كابرس ستوك يمغط جينسس ؟ والله تشوفها ب احلامك انت
الكيا ستينجر ماتقدر عليها الكابرس بس ستوك ماعليه شطه

اما تجيب لي سياره كل شي فيها وتقول والله قويه تسمع فيها انت


up 1 down 2
7amood1930 278
قبل شهر و أسبوع



انا كانت معي لومينا 2007 من افشل السيارات ومكيفها استشوار الظهر بس بالليل بارد مدري ليه

كان يوصل 235 تقريبا بس مايعشق ان عشق نزلت ل 215 خلاص مافيها حيل


up 0 down 3
7amood1930 278
قبل شهر و أسبوع



7amood1930
الكيا ستينجر مكينتها توين توربو تعرف وش يعني توين توربو
يعني معدله تعديل قوي من الشركة
بالمقابل تعال شوفها بعد 3 سنوات او ممشى 200 ألف ما تحصل وحده تمشي بالشارع منها


up 1 down 1
التركي حبيب الكل -197
قبل شهر و أسبوع



ياحبيبي من جدك  
تقارن كابريس ٨ سلندر ب٦ سلندر 
مافيه مجال للمقارنه نهائيا 



up 1 down 0
المرتقب 46
قبل شهر و أسبوع



ابرد على ( 7amood 1930 )  اذا كان معك جينسس تعال نجرب موتر ستوك عليه فك فصله فقط  من مفتاح  اماسالفه هذي انشط وهذي مدري ايش مانبي كلام تبي تجرب حياك الله وعلى مايشهدون الرجال لك المفتاح  وش رايك 
موتري V8   Ss  واذا تبي معدل موجود واقف جمبه نق الي تبيه واطلع لك فيه 


up 1 down 0
fhody44 426
قبل شهر و أسبوع