أضف سؤال أو موضوع جديد          

كيف يتم قياس مستوى زيت القير الأوتوماتيك بدون معيار

up 2 down 2
hofo 216
قبل شهر



سلام عليكمم؟
لاحظت سيارتي وبعض السيارات تجي بدون معيار زيت صدمت الصراحه !

و في هذي الحالة كيف يتم قياس زيت القير الأوتوماتيك بدون معيار ؟

لا أخفيكم بحثت بجميع المنتديات العربية للإسف كالعادة المعلومات شحيحه ونادرة عند العرب!

وعلى حسب بحثي بالمواقع الاجنبية حصلت فيديو يشرح بأن هناك يوجد سره يقاس منه الزيت وهي حركة خبيثه ,ومتعمده تضطر تخلي الواحد يروح يغيير في الوكالة

لكن لاتخافون حصلت لكم شروحات تبيض الوجه أن شاءالله ولاداعى للوكالة بعد اليوم

هذا هو الشرح بالفيديو / يرجى تقديم الفيديو إلى : الدقيقة 10:47
https://www.youtube.com/watch?v=U43xQPVuxUM

هذا فيديو ثاني/ يرجى تقديم الفيديو إلى : الدقيقة 6:50
https://www.youtube.com/watch?v=KTcMyON0_tc

طبعا هنا يلاحظ المقياس عباره عن (صامولة) و يتم فكها وهي تختلف تمام عن سرة التفريغ السفلية
بعد ما يتم فكها يتم التعبئة الزيت من الأعلى في الكبوت على حسب ماهو مكتوب بالكتالوج مثلا أنا 6 لتر بالكتالوج تبع سيارتي

واذا أمتلأ وبدأ بخروج الزيت من الإسفل يعني بأن الكمية المطلوبة للزيت القير تمام 100% ،
لكن لابد تحريك عصا القير على جميع الغيارات والانتظار بين كل غيار10 ثواني
ثم بعد كذا ترجع تفتح الصامولة وتعبي شوي لين يخرج زيت بكذا يكون مستوى الزيت المطلوب أكتمل 100% ومبرؤك عليك التغيير ياوحش.


هذي المعلومة قلت خل غيري يستفيد وبنفس الوقت يصير مرجع لكل من لايعرف طريقة قياس مستوى الزيت القير اللى تجي بدون معيار


وهنا حبيت أطرح ((سؤال)) هل تلاحظون من خلال تغيير زيوت القيور سياراتكم سوى
كان بالوكالة أو المراكز من / بترومين واي سي ديلكو ومايز والبترول الذهبي أو محطات أو ورش وغيرها الخ.. :

س / هل جميعهم يملكون هالمعلومة أم يعتمدون على شفط وقياس الكمية الزيت المسحوبة فقط ؟؟

لان قد يمر أحدكم بمثل وضعي *لان أنا غيرت الرديتر بحكم أن مبرد القير مرتبط بالرديتر ،
وصار فيه نقص بالزيت عاد هنا الورطه اذا كانو يجهلون الطريقة المدرجة بالفيديو العوض على الله!!


أتمنى الجميع المشاركة ومناقشة هذي النقطة ولكم جزيل الشكر.... ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عندك بعد الاوريون بذون معيار و الكامري بدون معيار و الافالون بدون معيار والمكسيما بدون معيار والصني بدون معيار اكثر السيارات الجديده بدون معيار 


up 0 down 0
fhody44 427
قبل شهر



حياك الله فهد
تمام يعني طلعت المشكلة عامة ....
طيب كيف يعتمدون كمية الزيت المناسبة هل على الكتالوج ؟ لان قراءة بعض الردود بالمنتدى يقولو بأن الكمية تكون شاملة لزيت اللى بالطنجرة الداخلية !؟

أو يعتمدون على كمية الزيت المسحوبة ؟
طيب واذا كان صاحب السيارة عنده مشكلة وصار له تهريب وسطح سيارته على ورشة أو مركز هنا كيف يعرفون الكمية اذا شفطو الزيت وصار ناقص ؟!


up 0 down 0
hofo 216
قبل شهر



هذا الي كنا نسويه في صيانة عبداللطيف جميل يعبي لين يطلع من سرة 
العيار تجي على جنب القير وبعدها يسكر 
ومثل الطريقه تطبق على القير العادي والدفرنس بعد


up 1 down 0
شمهرووش 116
قبل شهر



حياك الله ياملك الجن :)

أنت تشتغل في الصيانة أو كنت تسوي صيانة لسيارتك وتلاحظ العمال يوم يطبقون الخطوات مثل الفيديو ؟

هل الوكالة فقط هي اللى تعرف هالحركة؟؟ ولا كل المراكز من بترومين وغيرها يطبقونها لان ودي أغير الزيت والوكالة بعيده الصراحه وغالية بنفس الوقت.



up 0 down 2
hofo 216
قبل شهر



اشتغلت فتره عندهم وخليتهم وذي طريقتهم لانه لو تخرب يتحملها الفني 
اذا ماشتغل صح وبترومين مدري عنهم والله ياخوك لكن اهم شي تاكد
من نوع الزيت اذا بتغير برا وخلكم فوق روسهم والامور سهله ان شاء الله


up 2 down 0
شمهرووش 116
قبل شهر



يعطيك العافية ،، تسذا أطمئن قلبي
لا ماعليك الزيت شاريه له شهر عندي من الوكالة مطابق لمن ذكر بالكتالوج .


up 0 down 0
hofo 216
قبل شهر



معاي سونانا ٢٠١١ المهم لاحضت يوم وصلت ١٥٠ الف غيارات القير تتأخر يعني الثاني تعشق على ٦٠ كان ٤٠ الثالث ٨٠ كان ٦٠ لخبط القير وماعاد فيه سلاسة
شريت زيت القير وغالي ٦ علب كلفني ٧٠٠ ريال مع التركيب في محل صييانة سريعة لهونداي ٢٠٠ ورجع القير ناعم ويغير زي اول العبرة من كلامي انك دام بتفتح السرة غير الزيت مره وحدة خصوصاً انك تتعامل مع قير السيارة وهو شي يعتبرحساس


up 0 down 0
ayed91 30
قبل شهر



حياك الله إياد

لو أملك حفرة أو منزل ملك وفيه كراج كان بنفسي غيرتها ، وبهذا الحالة مضطر أغير في مراكز لكن تخووفت بما إن السيارة بدون معيار لقيس مستوى الزي القير مع وجود نقص للزيت اذا كانو يعتمدون على الشفط وقياس الكمية بكذا رح تسبب لي مشاكل

أما السرة تواجد أثنتين وحده من إسفل نقطة بالقير وهي (للتفريغ فقط) أما الثانية تكون على الجنب وهي المقصوده بالشرح أعلاه تكون للعيار أو مقياس الزيت ويمكن أي أحد يشوف الموضوع كامل ويتابع الفديوهات يتعلم منها ويدعيلي في ظهر الغيب .


وسلاممتكم جميعا.


up 0 down 0
hofo 216
قبل شهر