أضف سؤال أو موضوع جديد          

كيف يتم قياس مستوى زيت القير الأوتوماتيك بدون معيار

up 2 down 2
hofo 227
قبل 2 سنه و 8 شهر



سلام عليكمم؟
لاحظت سيارتي وبعض السيارات تجي بدون معيار زيت صدمت الصراحه !

و في هذي الحالة كيف يتم قياس زيت القير الأوتوماتيك بدون معيار ؟

لا أخفيكم بحثت بجميع المنتديات العربية للإسف كالعادة المعلومات شحيحه ونادرة عند العرب!

وعلى حسب بحثي بالمواقع الاجنبية حصلت فيديو يشرح بأن هناك يوجد سره يقاس منه الزيت وهي حركة خبيثه ,ومتعمده تضطر تخلي الواحد يروح يغيير في الوكالة

لكن لاتخافون حصلت لكم شروحات تبيض الوجه أن شاءالله ولاداعى للوكالة بعد اليوم

هذا هو الشرح بالفيديو / يرجى تقديم الفيديو إلى : الدقيقة 10:47
https://www.youtube.com/watch?v=U43xQPVuxUM

هذا فيديو ثاني/ يرجى تقديم الفيديو إلى : الدقيقة 6:50
https://www.youtube.com/watch?v=KTcMyON0_tc

طبعا هنا يلاحظ المقياس عباره عن (صامولة) و يتم فكها وهي تختلف تمام عن سرة التفريغ السفلية
بعد ما يتم فكها يتم التعبئة الزيت من الأعلى في الكبوت على حسب ماهو مكتوب بالكتالوج مثلا أنا 6 لتر بالكتالوج تبع سيارتي

واذا أمتلأ وبدأ بخروج الزيت من الإسفل يعني بأن الكمية المطلوبة للزيت القير تمام 100% ،
لكن لابد تحريك عصا القير على جميع الغيارات والانتظار بين كل غيار10 ثواني
ثم بعد كذا ترجع تفتح الصامولة وتعبي شوي لين يخرج زيت بكذا يكون مستوى الزيت المطلوب أكتمل 100% ومبرؤك عليك التغيير ياوحش.


هذي المعلومة قلت خل غيري يستفيد وبنفس الوقت يصير مرجع لكل من لايعرف طريقة قياس مستوى الزيت القير اللى تجي بدون معيار
وشكرا








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عندك بعد الاوريون بذون معيار و الكامري بدون معيار و الافالون بدون معيار والمكسيما بدون معيار والصني بدون معيار اكثر السيارات الجديده بدون معيار 


up 0 down 0
k 6 4 i 1214
قبل 2 سنه و 8 شهر



حياك الله فهد
تمام يعني طلعت المشكلة عامة ....
طيب كيف يعتمدون كمية الزيت المناسبة هل على الكتالوج ؟ لان قراءة بعض الردود بالمنتدى يقولو بأن الكمية تكون شاملة لزيت اللى بالطنجرة الداخلية !؟

أو يعتمدون على كمية الزيت المسحوبة ؟
طيب واذا كان صاحب السيارة عنده مشكلة وصار له تهريب وسطح سيارته على ورشة أو مركز هنا كيف يعرفون الكمية اذا شفطو الزيت وصار ناقص ؟!


up 0 down 0
hofo 227
قبل 2 سنه و 8 شهر



هذا الي كنا نسويه في صيانة عبداللطيف جميل يعبي لين يطلع من سرة 
العيار تجي على جنب القير وبعدها يسكر 
ومثل الطريقه تطبق على القير العادي والدفرنس بعد


up 1 down 0
شمهرووش 120
قبل 2 سنه و 8 شهر



حياك الله ياملك الجن :)

أنت تشتغل في الصيانة أو كنت تسوي صيانة لسيارتك وتلاحظ العمال يوم يطبقون الخطوات مثل الفيديو ؟

هل الوكالة فقط هي اللى تعرف هالحركة؟؟ ولا كل المراكز من بترومين وغيرها يطبقونها لان ودي أغير الزيت والوكالة بعيده الصراحه وغالية بنفس الوقت.



up 0 down 2
hofo 227
قبل 2 سنه و 8 شهر



اشتغلت فتره عندهم وخليتهم وذي طريقتهم لانه لو تخرب يتحملها الفني 
اذا ماشتغل صح وبترومين مدري عنهم والله ياخوك لكن اهم شي تاكد
من نوع الزيت اذا بتغير برا وخلكم فوق روسهم والامور سهله ان شاء الله


up 2 down 0
شمهرووش 120
قبل 2 سنه و 8 شهر



يعطيك العافية ،، تسذا أطمئن قلبي
لا ماعليك الزيت شاريه له شهر عندي من الوكالة مطابق لمن ذكر بالكتالوج .


up 0 down 0
hofo 227
قبل 2 سنه و 8 شهر



معاي سونانا ٢٠١١ المهم لاحضت يوم وصلت ١٥٠ الف غيارات القير تتأخر يعني الثاني تعشق على ٦٠ كان ٤٠ الثالث ٨٠ كان ٦٠ لخبط القير وماعاد فيه سلاسة
شريت زيت القير وغالي ٦ علب كلفني ٧٠٠ ريال مع التركيب في محل صييانة سريعة لهونداي ٢٠٠ ورجع القير ناعم ويغير زي اول العبرة من كلامي انك دام بتفتح السرة غير الزيت مره وحدة خصوصاً انك تتعامل مع قير السيارة وهو شي يعتبرحساس


up 0 down 0
ayed91 44
قبل 2 سنه و 8 شهر



حياك الله إياد

لو أملك حفرة أو منزل ملك وفيه كراج كان بنفسي غيرتها ، وبهذا الحالة مضطر أغير في مراكز لكن تخووفت بما إن السيارة بدون معيار لقيس مستوى الزي القير مع وجود نقص للزيت اذا كانو يعتمدون على الشفط وقياس الكمية بكذا رح تسبب لي مشاكل

أما السرة تواجد أثنتين وحده من إسفل نقطة بالقير وهي (للتفريغ فقط) أما الثانية تكون على الجنب وهي المقصوده بالشرح أعلاه تكون للعيار أو مقياس الزيت ويمكن أي أحد يشوف الموضوع كامل ويتابع الفديوهات يتعلم منها ويدعيلي في ظهر الغيب .


وسلاممتكم جميعا.


up 0 down 0
hofo 227
قبل 2 سنه و 8 شهر



الطريقه الصحيحه بعد تفريغ الزيت القديم وتعبئة زيت جديد وطريقة قياس الزي اتك نقوم اولا بتشغيل المحرك وتعشيق القير من ال P الى الـ R مده 5 ثواني ثم الى N وترفع رجلك من البريك ثم تدعس والى D وتنتظر 5 ثواني لكي يعبي اجزائه ثم الى P وتترك المحرك شغال وتزل من السياره وتفك الصره العلويه للقياس وستشاهد خروج الزيت الزائد ولما يقف اقفل الصره وخلاص


up 0 down 0
ياهلاوسهلا 7
قبل 2 سنه و 2 شهر



للتصحيح الإملائي
الطريقه الصحيحه بعد تفريغ الزيت القديم وتعبئة الزيت الجديد وطريقة قياس الزيت اتك تقوم اولا بسحب الجلنط لتثبيت السياره
وبتشغيل المحرك وتعشيق القير من الـ P الى الـ R وانتظر مده 5 ثواني ثم الى N وترفع رجلك من البريك ثم تدعس بريك والى D وتنتظر 5 ثواني لكي يعبي اجزائه ثم الى P وتترك المحرك شغال وتنزل من السياره وتفك الصره العلويه للقياس وستشاهد خروج الزيت الزائد ولما يقف اقفل الصره وخلاص


up 0 down 0
ياهلاوسهلا 7
قبل 2 سنه و 2 شهر