ماليبوا المستخدم فقط احتاج رايه

انتبه من الجربكس، كثير من اعلاناتها يكون موضح انه الجربكس متعطل فيها، فأعتقد انه خلل منتشر فيها.

اخوي شركة تويوتا معروف ان قيورها الافضل ! صحيح ؟ بقولك شي ، يوجد شركة تصنع قيور تويوتا واسم الشركة ASIAN وهذه الشركة تصنع افضل القيور الاوتوماتيكية
ولم تهزمها اي شركة وهذه لستة للسيارات الي تستخدم قيور من هشركة (معظمها تويوتا)
https://en.wikipedia.org/wiki/List_of_Aisin_transmissions

وهذا موقع الشركة الرسمي :
https://www.asian-transmission.com.ph/


وزبدة الحكي في القائمة كلها مافيه شفرولية ماليبو ولذلك اررررحل وابتعد عنها

لو فيها خير ماكانت تنباع بالاسعار الرخيصه ذي 

ياخوان كلامكم على العين والراس
انا ابي شخص استخدمها
الكوري رغم تخبيط مكينته رغم ان الناس مستخدمينها كثر
الامريكي معروف قوه مكينته
انا اخذ ماليبو مكينتها ممتازه وقيرها ممتاز وممشاها قليل
افضل من اخذ ياباني متهالك 24 الف بسعر الماليبو

مكينة ممتازة وقير ممتاز !!!؟ هذا اول 70 الف بعدها الله يعوضك وانت بكيفك
ياباني افضل وقليل متهالك في المحركات اقصد وفوق كذا قطع غيار فرق كبير
يعني لو انا بغير السوناتا اللي معي باخذ كامري اكيد
(((والكلام هذا من اللي اشوفه بعيوني مو كلام ناس)))

نصيحة لوجه الله لاتقربها خصوصا المستعمل

يا اخوي وين (الكوري رغم تخبيط مكينته)!!! الماليبو الأمريكي او الكوري مايتقارن مع كيا وهيونداي والدليل شوف أسعار المستعمل وشوف الشوارع وشوف العدادات الخياليه اللي توصلها كيا . واي قوة مكينه في الماليبو؟ اضعف مكاين في ال 4 وال6 سلندر مقارنه بالمنافسين. اخر ١٠ سنين شفيروليه يمكن وقفوا اكثر من 10 سيارات واعلنوا ان مافي خطة لاستمرار امبالا بعد 2020 .
شئ ثاني اعلى 5 سيارات سيدان مبيعا في امريكا كامري اكورد سوناتا و 2 اخرين المهم شيفروليه مو بينهم هذا مع الدعم الحكومي لمنتجاتهم ورفع الضرايب على الشركات الاجنبيه

اذا ماتقدر تاخذها اصفار وتكون سواقتك هاديه وتحن الموتر يدوم معك عشر سنين قدام

بس تاخذها مستعمل ماتدري صاحبها الاول جالدها وكارفها وتجي تكمل الناقص

ابد ما انصحك

وتالي في مثيلات لها من شركات اخرى تقدر تطلع على اسعارها وتفك عمرك من الماليبو

برأيي لو تاخذ النترا اعتقد تحصل موديل 2015 او 2016 تكد معك اكثر و قطع متوفره اكثر و اقتصاديه
او لو تدور فخامه و تبي شيء يكد اكثر من الماليبو

دور كابرس 2010 يكون 6 سلندر فئة LTZ تحصله بحدود 15 الى 20 الف بالكثير يخدم معك

افضل من الماليبو بكثير من ناحية مكينه و قير او عضلات او غيرها

كثير من الاخوة هنا ماجربوها او امتلكوها لكن رأيهم من زملاء او اصدقاء فالشي الغير موثوق الافضل الابتعاد عنه طالما طلبت النصيحة .. وهذا اعتقد رأي الاغلبية .. اما اذا معزم وعاجبك جداً شكلها توكل على الله وربي يوفقك مقدماً وان شاء الله تنقل لنا تجربتك لها بعد فترة

السلام عليكم

للاسف عندنا اي شي يصدق

اخوي انا معي ماليبو 2016 فل كامل السيارة جدا ممتازة راسيه بالخط صرفية بنزين معقوله اما من ناحية القير فيه مشاكل ما صدفت هالشي ابد

قبل ما اطلعها الناس ذموها و قالوا حراره و كهرباء و خرابيط

شوف انا كل ويكند نازل و طالع عقبة الهدا اقسم بالله ما شفت الحراره ارتفعت سيارتي ماشيه 87 الف
وصدقني الشي اللي بتحافظ عليه بيعش معك

بالنسبه للقير ياخي عندنا ناس مهمله ما تغير الزيت
اي قير ما تحافظ على زيته بيضرب معك

طبعا اخوي انا اللي معي 4 سلندر بعد سرعة 160 يرجع القير على الخامس ولا يريح الا اذا رجعت على 160 و اقل اذا السرعه ما تهمك خذ 4 سلندر و اذا انت ناوي تسرع خذ 6 سلندر مع اني افضل لك 4 سلندر اقتصادية

بالنسبه لقطع الغيار الاستهلاكيه بجميع السيارات رخيصه

بالنسبه لزيت المكينه و الفلتر اغيره عند اي سي ديلكو بحدود 187 ريال 10 الاف

صراحه انا اشوف كثير ناس يذمون بسيارات سوا كوري امريكي يباني و هم ما جربوها

للمعلوميه السيارة قطعها امريكيه عدا البدي و التجميع كوري

بس اذا تبي نصيحتي حاول تبعد عن اي سيارة مستعمله الا اذا انت تعرف راعيها كثر الغش هالايام

لكن يا اخوي استخير قبل كل شي

و اي استفسار انا حاضر اخوي

ماقصرت ياخوي عبدالله

السيارة مع ولد أخوي أخذها وكالة ماشاء الله 2017، السيارة عملية و جيدة و لكن أعتقد تحتاج شخص هاديء بالقيادة،
يعني بمعنى آخر دلوعة شوي، بالنسبة للسيارات المستعملة أياً كانت توقع إنها تطلب، لكن سيارة على يدك وكالة، الالتزام بالصيانة الدورية بإذن الله يقيك أي مشاكل مستقبلاً و الله يكتب لك الخيرة

السلام عليكم
لو تشتريها وكالة او سيارة ممشي قليل جدا وبدي وكالة هتعيش معك بإذن الله
اما لو ممشي كتير - هتصرف عليها اخر ريال في جيبك
كمان قطع البدي غالية ، يعني الشمعات الاماميه تقريبا 2500 ريال
دور علي النظيف -

معقل الناقة

90% من الردود عليكـ اما متعصب لنوع وكالة او علامة تجارية او سمع من فلان اللي ماعمره عرف طريق الصيانات وان السيارة بهذلته

أمتلكت 2013 ال تي زد 6 سلندر
الحمدالله سنة كاملة اسبوعياً من جيزان لجدة
رساوة
قوة تحمل
عزلها جبار
مكينتها ( للي يقول ابو كلب ) مايفهم وش يعني 6 سلندر
صار لها حادث واتلفت والله اني كنت بطلع بعدها وحدة نفس الشيء موديل 16 بس تغيرت التوجهات ورحت للتاهو

ولد خالتي معه 2016 ماشية للحين حول 200 الف
كل 14 يوم ينزل من نجران للقنفذة والسيارة معه بفضل الله وي الفل


المتعصبين للوكالات ( تراهم ماهم حولوكم ولا بيحولون لكم فلوس )

نسيت اقول لك شيء

غيرت اقمشة امامي فقط بـ 260 ريال
وفلتر مكيف كل 20 الف
وزيت وسيفون كل 10 الاف

بس نصيحتي لكـ أستخير قبل كل شيء


وأركب اللي يعجبك لانكـ انت اللي دافع مو اهل المشورات اللي هنا

بس نصيحتي لكـ أستخير قبل كل شيء


وأركب اللي يعجبك لانكـ انت اللي دافع مو اهل المشورات اللي هنا

عن تجربه
السياره ممتازه جدا وعملية وفخمه ومريحه ماهي حقت تدعيس وتفحيط
اهتم في الصيانه
زيت المكينة + زيت القير كل 60 ألف
طرمبة المويه تحتاج تغيير كل خمس سنوات
ركب مبرد قير مع العلم اني ركبت المبرد بعد استخدام خمس سنوات لان المبرد جاني هديه ولا فيه سبب معين خلاني اركب المبرد
مكيف ممتاز
وفي الاول والاخير السياره على الاستخدام الشخصي
تهتم وتحافظ في قيادتك بتدوم معاك
قطعها ماهي غاليه
بالنسبه للفحمات ركب فحمات سيراميك تستمر معاك من 30 الى 40 الف كيلو
هذا الكلام الي كتبته عن تجربه للماليبو من 2013 الدفعه الثانيه الى وقت كتابه هذا الرد
ومشاء الله تبارك الرحمن