وين افضل معارض دبي للسيارات المستعمله

انا رحت.. اسعار الخليجي اللي يدخل للسعوديه.. جدا عاليه.. ومستغلين هالشيء مره

فيه مواقع.. مثل دوبيزل.. يمكن تحصل سيارات من المالك مباشره وتكون بسعر معقول.. بعيدا عن المعارض ونصبها

الرخيص عندهم هو الوارد.. اللي جايه من امريكا وكندا وهالدول.. ومايدخل السعودية.. لان تقريره مختوم ان السيارة تالف

فانتبه تشتري شيء وارد امريكا او كندا.. الا ان كان معه ورقة مكتوب عليها كلين تايتل.. يعني خالية من اي حادث.. خالية من اي غرق.. خالية من اي حريق.. خالية من اي تلفيات او تخريبات او عيوب مصنعيه

وترا نادر جدا تلقى وارد.. كلين تايتل. ٩٩بالميه كله سالفج.. اما مصدوم ومصلح. او غرقان ومصلح.. وينباع داخل الامارات عادي. لكن السعودية مايدخل ابدا

وحط ببالك

تكاليف السفره. تذكره سفر وفندق واكل وشرب ومواصلات..ما تقل عن ٥ الاف لمدة ٣ الى ٤ ايام اذا كنت لحالك ومقتصد..

من غير ان موديل ٢٠١٦ عليه جمارك ٥بالميه و ضريبه ٥بالميه..يعني لو السياره حصلتها هناك ٥٠ الف.. تدفع ٢٥٠٠ جمارك ٢٥٠٠ ضريبه.. ولوح وتامين اذا وصلت بحول ٢٠٠٠ ريال


حط ببالك كل هالحسابات.. وشوف هل تستاهل تسافر او لا

واطلع على اسعار الامبالا بالامارات عن طريق موقع دوبزيل او دبي كارز.. عشان تكون خلفيه.. وتحكم

موفق