استفسار بخصوص شيفرولية سبارك

توكل على الله وخذها ...
السيارة مجربها لي اكثر من سنة

يعيبها الراحة فقط اما الباقي كله في السليم

ياخوي سيارة صغيرة وقير CVT ومتعبه سافرت عليها ٤٠٠ كيلو تروح يمين ويسار وانا ماشي 100 نصيحتي لك شف الصني سعرها حول السباك ومكيف ثلج ومساحة أوسع ولك حرية الاختيار

الله يحفظك يا محمد شريف انا ما بستخدمها للسفر عندي سوبربان و عندي فورد تورس انا ابي للعمل لأني اعمل في مصنع اسمنت و تضررت سياراتي من غبار الاسمنت ادري ان الفرق بينها وبين الصني حدود ال5000 لكن جازتلي هالصغيره

جزاك الله خير يا بو بارا 

سيارة بيتزا ما تسوى ريال الصني وبس

حتى للاستخدام الخفيف داخل ماجازت لي الصراحة حجمها صغير مرة، سيارة خطيرة أطرف حادث تتأثر منها يارجل الكفر جنب رجلك

غريبة مافكرت في :
1- الاكسنت
2- الصني
3- تراج ( ميتسوبيشي.

وفقك الله .

بحكم عندي اكسنت تكفي للمدينة ومقاعدها غير مريحة وغير اقتصادية

لاتجيها


خليك على الصني

اخوي يسافر فيها للجنوب مكيف ثلج
اقتصادية بنزين راحة
يعيبها شكلها

اتفق مع الكل ابعد عنها خذ الصني افضل

بخصوص الاكسنت صارف النظر عنها تماماً سعرها في الوكاله حدود ال52 وبهذي القيمه اقدر اخذلي كورلا 2016 
اما فيما يخص السفر او العزل او الرساوه هذي كلها ما تهمني قد ما يهمني قطع الغيار هل هي متوفره و الخرابات هل هي كثيره ولا السياره عمليه 
لأن استخدامي لها بيكون عباره عن 70 كيلو فقط يومياً للعمل و البيت 
اما بخصوص الاتراج اشوفها فاشله من جميع النواحي وخصوصاً انها 3 سلندر !!! 

لي نظره للصني لكن حسب ما سمعت بيتغير شكلها خلال الشهور القادمه عشان كذا قلت يا اصبر واشتري الجديده او ينزل سعر القديمه 

سبارك شكلها حليو
لكن مره كنت بالوكاله وواحد قدامي يسال عن مروحه الرديتر قالو له ب٣٠٠٠ جته صدمه
لان المروحه تجي مشبوكه بالرديتر وتنباع مع بعض



قبل تشتري اسال عن قطع الغيار ممكن السياره رخيصه بس قطعها نار مولعه

استخدمتها سنه وبعتها
لو تبي تستخدمه للمقاضي وداخل المدينه حلوه بالمواقف والبنزين والمكيف
اما الراحه انسى
كانت المقاعد قاسيه وكنت امشي اسمع صوت الاسفلت لان السياره عزلها ضعيف بالارضيه
لمن تبي تدعس وتسرع النمره تعشق وترد نمر كثير وصوت قوي بالمكينه

لو ما يهمك كل ذي الاشياء توكل على الله بس ما انصحك تسافر فيها وربي تكسر الظهر والسيارات الصغيره
بالخطوط الطويلة تجيب الهم من ضعف المكينه والتركيز بالخط مره رايح يمين مره يسار

للاسف عندنا ثقافه الشعب لمن يشوف سياره صغيره قدامه وده يدعس عليها ويكمل
مالها اي اعتبار واحترام بالخط كم مره واحد سقط علي وللاسف ما في احترام لها وهيبه بالخط

ابو اسامه / مروحه ب 3000 !! يا وجه الله انا سألت عن القطع الاستهلاكيه يعني مقبوله اسعارها 

فهد / ردك وافي بيض الله وجهك و الله يرحم والديكم جميع .
شكلي خلاص ابجزم على الصني و الله يكتب اللي فيه الخير لي و لكم