ما هو سر الممشى الكبير للسيارات الأمريكية

لان اغلبها اجار وشركات ودوريات طال عمرك 

واللعب في العدادات ماشي سوقه

والله ياغالي على أجوائهم الطيبة لا سافي ولاغيره ... وشوارعهم الممتازة ... وقيادتهم الهادئة ( أوقات تكون اجبارية
بحكم الأنظمة والقوانين أو بحكم الزححححححمة ) ... واهتمامهم الزااااااائد بسياراتهم وأشيااااااء كثيرة تخللي الممشى
مايبين عالسيارة.

وبالنسبة للممشى الزائد اتوقع سببه المسافات بين كل ولاية وولاية اللي توصل بالآلآف.

السر يا طويل العمر ان الصناعة الامريكية مثل الفورد صناعة اصليه وفخر وتستحق الاحترام وفيها كل المواصفات1 الراحة 2 الرساوه في الخط 3 قوة 4 العزم عزل الصوت 5 الامان فيه والامان من الله سبحانة وبنسبة للمشا هذي يدل على قوة تصميم مكينتها وانا والله اتكلم عن واقع تجربة عندي فورد موديل 97 من زمان له اكثر من 9 سنوات والله انه ماشي الحين فوق 800 ألف وماشاء الله عليه مااغيرت له الا قطع استهلاكية بس اانا اتكلم عن الفورد رفيق الدرب

اي سيارة بتحافظ عليها بتعيش معاك ،،

يا رجال مهوب بس السيارات!! حتى نسوانهم... انا درست في امريكا ومن أكثر ما فكرت فيه كيف الوحده معها كذا ورع ومازالت ريآآآآنة العود.. ظنكم السبب الجينات ولا عشان ما عندهم رز أبو كاس؟؟

الامريكان يستفيدون من سياراتهم اقصى استفادة

يسافرون فيها
يجرون ويسحبون اشياء فيها
ويطلعون البر فيها

ومع ذلك تلقى الاغلبية يهتم بسيارته 

يا رجال هناك اجوائهم رووعه و منضمين اول باول للصيانه سيارتهم بالوكاله وكل القطع هناك يبدولها بأصلي مو زي هنا كل القطع تجاري و صيني و هناك سواقتهم هاديه يعني لو يوقف الخط ينتضر الى ان يفتح اما بالسعوديه مساقطات و تشطييف فتسير متهور و لا ننسى وقت البيع لازم تخلي سيارتك تلق لق وقبلها لازم تفحصها ولو طلع فيه مخش ترسب في الفحص يعني اي حط بسيط لازم ينرش

يارجل اكثر سيارات مكروفه يجبونها شريطيهيا ويلعبون في عدادتها   

 ولا ولد عمي في امريكا اشترا فورد جديد مامشى  الى  15 ميل   واشترا كمارو  مامشت الى قليل شاريها كلها من معرض 

 ولا  يقول فيه سيارات تنباع على مزدات يقول لو تزاود على  سياره بدولار ولا احد زود عليها من نصيبك 

 وسيارات  في امريكا لا تنسى  ان مطار ياجرون سيارات  وامريكا  دوله كبيره وفيها ولايات  كبيره  وخطوطهم كبيره  وممتعه لسفر تشوف طبيعه وانت مسافر يستمتعون بسفر  

لان امريكا طال عمرك عندهم السيارات الصغيرة الفورد وغيرها من السيارات الصغار تستخدم داخل المدينة بس

بس تلقاه مطلع يوكن او تاهو وكاله ويسافرون فيه خطووووط بين الولايات لاتستغرب 2011 ماشي 150 الف ميل عادي ترا عندهم الخطوط تلعب لعب

لانها اول ماتوصل للسعوديه تنضرب بويه وتتجدد 
وبرضه يساعد السيارة شوارعهم واجوائهم

شوف 1- يسافرووووووون فيها كثير 2- ما عندهم غيرها مثلا مو زينا اقل شي سيارتين بس هو اذا بروح البقاله يروح فيها يعني اختصار استعمالهم كثير بس نظييييييف 

لاتروح بعيد شوف حنا ممشانا 2011 ماشي 100 الف..السبب اللي راعي سفريات يقطع الكيلوات ....
وامريكا غير استخدامهم عن استخدامنا الخايس

اتوقع الامريكان قبل لايشتري سياره يدرسها زين لانه عندهم البنزين غالي وتعرف السيارت الامريكيه ماتصرف بالخط فايشتري 
يسافر فيها وسياره للمشاووير البسيطه زي الاكسنت او اليارس وعندهم بايكات عند بيوتهم لا تنسى حتى الجو له دور بعكس عندنا 
,والشوارع مب زي عندنا نظيفه يعني تجيك السياره نظيفه..ولا تنسى قبل لا تتصدرللخليج تنرش رشه محترمه زي رشة الوكاله هذا
لو كان فيها بعض الخدوش او الضربات بالبدي وترى مشي السياره للطرق الطويله مريح لسياره لانه تلقى القير والمكينه باردين 
طول الخط لانه فيه مبرد للقير وللمكينه بعكس بالمدن كل شوي يبدل القير  مراوح المكينه تشتغل كل شوي.

فتش عن المناخ سبب رئيسي في المحافظه على السياره 
والشمس العدو اللدود للسياره ماشيه ولا واقفه

امريكا الشماليه قاره مافيها الا امريكا وكندا فامريكا مساحتها شاسعه جدا جدا فطبيعي يكون هناك تنقل بين ارجائها هو السبب الرئيسي وراء كثرة المشي والله اعم

اولا اغلبهم سيارة وحده للبيت كله .. فتلقاها مثل المكيف كلن يرقد تحته

ثانيا المسافات تراها كبيرة جدا .. يعني انت هنا اعلى مسافة من شرق الرياض الى غرب الرياض ( النظيم الى السويدي ) 40 كيلو 
عندهم مثل من النظيم الى الخرج  ومارين على دانكن دونات ياخذ قهوة وهو رايح .. يعرف مشواره طويل
عندنا هنا فرفرة بالشوارع اغلبها موب دوام والا من نظج مخ شبابنا وتقول يحافضون على السيارة .. اصلا ما يعرفون حتى يسوقون يدخل عليك بدون اشارة وكأنه قاعد يلعب بلاي ستيشن  ما يدري انه بوسط شارع عمومي

في المانيا رحت اتمشى من فرانكفورت لولاية سولز اوف لين .. جايك اخوك سعودي يتمشى على الجو الحلو في المانيا ماسك النص وماشي 100 بالمرسيدس .. يعني اني محد قدي ومواطن صالح
شوي والا المرور حقهم مسفطني بغيت اروح شربة كوارع !! 
بعد ما عرفت السالفة انه ممنوع تمشي 100 في الخط الأوسط .. لأن اقل سرعة 140 واني مخالف للنظام :(
قلت طيب الخط الأيسر كم السرعة ؟ قال 180 وفوق 
قلت ابشر .. خلها علي بس
:)
امسك الأيسر واعطيها القازه على 240 ما نزلت عنها 
فوق هذا كله يا اخوان .. والله ما وصلت للولاية الثانية الا مع المغرب .. بغينا نصلي بالخط بس ما لقينا القبلة .. اكثر شي لقيته النواقيس وكنايس ولا هيب على قبلتنا ههههه والقارمن ناسية فوق الكرسي بالمطار بالرياض

ناس عارفه تعيش وتستمتع بكل ماحولها وتهتم فيه
سواءً الصحه العامه واهتمامهم بما يملكون منها السيارات

لانه صمم لطيء المسافات الطويله واقل مشوار عندهم حق ابو نص ساعه ياخذ منه في الكيلواات او الميل اكثر يعني حول 40 ميل وكذلك طلعته للمدينه عندهم حول 140 ميل غير المشاوير والطلعات اليوميه والسفر والتنقل من ولايه لي ولايه كل ويكند وحاجات وحاجات
عندك انا اغير الزيت زيت الموتر كل يوم 25 بالشهر وماشي عليه 4000 واحيان 3500 شهريا من يوم شريت الفورد
فالممشى شي طبيعي ومايضر ولا ياثر على المكاين الامريكيه لانها صممت للمسافات الطويله انا والله مشيت في موتري 83 الف في خلال سنه فقط
كيف كذا مدري يوميا اروح للدوام وارجع على الفره واقضي كم مشوار يجي عندي بالعداد 200 كيلو يوميا واحيان اقل احسبها في شهر بتطلع حول 5000 الاف او 6000 كيلو ال6 الاف كيلو احسبها على 12 شهر سنه بتطلع حول 76الف في سنه طبعا انت في السنه هاذي بتسافر ممكن مرتين ثلاث وبتقطع حول 7الاف كيلو او اكثر في روحتك وجيتك

المواتر الامريكيه لين مشت ماتضرها