تأخذ تاهو 2019 بدبل أو بدون دبل

انا لو الاكسنت دبل اخذتها
الدبل ممممتاز
اخذت هايلكس بدون دبل غرزت وتبهذلت وفي طرق ماقدر اجيها

وندمت ماخذت دبل

بالنسبة لي اخده بدبل صحيح صرفية اكثر واثقل بالقومة ولكن لا جا الشتاء تناسيت كل شي طررررب

اللي ياخذه بدون دبل عشان ااسواق او موب راعي بر ابد ولا يقربله واعطال اقل طبعا 

طيب لو الواحد نسم الكفر يقدر يدخل أي مكان يبي حتى لو معاه سيكل صح كلامي؟

الافضل تنتظر 2020 بيتغير شكلة

والله ياخوي ع حسب رغبتك 

لكن تخيل تطلع مع العائلة طلعه بريه او بحريه ، وتجي ع مكان فيه غراز وماتقدر تدخله وانت دافع مبلغ وقدره بموتر كبير 

معليش المواتر هذي اذا ماهي دبل ف مالها لزمه خذلك سيدان 
او اذا تبيه للسواق وداخل الديره براحتك خذ بدون دبل

الدبل ممتاز ويجيه لزمة في بر ولا وقت تمشيات ولكن هذا يرجع لك انا اذا انت تطلع بر او لا  وانا اشوف فرق ١٠٠٠٠ لسيارة جديدة وبتطول معم ماتفرق واجد اما اذا بتبدل كل مدة لا خسارة وبعضهم طول وقته فالمدن ومايحتاج الدبل الا نادر ويعوضه تنسيم الكفر ويمشيك اغلب الاماكن بدون  نفود قوية  ولعلمك  كثير من سيارات الدبل مايشغلها الا اذا غرز او نفود عالية والباقي تنسيم الكفر يكفي 

بالنسبة لي ومن وجهة نظري سيارة كبيرة إذاً لازم دبل لأنك راح تطلع البر هذه مافيها كلام ولو لمرة في السنة . . . .

وهنا ستحتاج الدبل خصوصاً لو أنت لاحق أخوياء لك وتفاجئت إنه جايين بشعيب كله غراز أو طالعين بنفد ههههههههههههههههه

فأنت في حيرة من أمرك وش تبي تسوي وهم ( ينظارون فيك بعين الخُبث ) كيف تبي تيجهم هههههههههههههههههه

تحس والله هنا بالخجل والحياء وكأنك راكب ددسن مو تاهو ههههههههههههههههههههههههههههههه

الدبل يحتاج إهتمام خاصة في السيارات الحديثة
لازم تشغله على الأقل مره في الشهر و هذا الشئ مكتوب في بعض
الكتالوج لبعض سيارات الدفع الرباعي ..

البعض يصر على شراء جمس بدبل و تعدي سنة او أكثر وهو ما شغله
نهائيا وهذا فيه ضرر و ممكن يسبب خسائر مع الوقت لإنه مكلف صيانته


فا مسألة الدبل ترجع أولا و اخيرا على المستخدم

بالنسبه لي الدبل مهم حتى لو ما اطب البر الا مره بالسنة وتلاقي ان ها المره الدبل طلعك من أزمه أو ورطه حنا تحمد ربك انك اخذت الدبل ولا
بتطلع ورى احد بالبر و يدخل نفوذ و انت تبلش معاه 

انا احب أفيدك 
أنة إذا جيت تبيع اول مايسئل عنة المشتري هل يوجد دبل ?
إذا جاوبت بدون دبل مشى من عندك بدون سلام 

اخوي اليابان التاهو بدون دبل كم سعره؟

الموتر اللي بدون دبل مثل الولد المتعافي بس انه خبل لاينفعك في مشكله ولا شيل اغراض
خذ تاهو دبل وريح راسك