هل تنصحوني بيوكن او تاهو من 2007 الى 2009 ؟

اذا قصدك حراج المعارض ب اقولك انتبه وخلك حذّر لايغرك السعر
٩٠٪؜ من سيارات المكرفون مدمورة وحقت شريطية والغش فيها بمستوى عالي وكلامي هذا مو على الجمس لا للسيارات عامة 

ان كان لك نيه ركز على موديلات 2009 وطالع لأن قيرها يجي 6 تعشيقات 
( اريح للمكينه / اوفر في البنزين ) 

في الغالب مهلوكه، أنا بعت يوكن الوالد قبل شهرين موديل ٢٠٠٩ كان ماشي ٣٠٠ ألف مافيه عظم مايتحرك منتهي وهو معنا من وكالته، سيارات مستهلكة وعمرها فوق العشر سنوات ما اتوقع تحصل شي نظيف الا نادرا والله يعينك

موجود النظيف لكن تحتاج تبحث
وعلى مهلك ...واحسب حساب البنزين
بالتوفيق للجميع يا رب

البنزين غالي وكلها مدموره ومستهلكه
لو تشوف خيارات ثانيه عندك هونداي h1
او هوندا ادوسي بس قطعها غاليه

مو كلها مدموره بتلقى النظيف بس دور