استشارة في كابرس 8 سلندر موديل 2010

بحكم تجاربي مع الكابرس
اذا انت رجلك بارده و تحافظ علي الموتر مارح يطلب منك شي ابد
و العكس صحيح اذا جلدته رح يجلدك بالخرابات و القطع

ابعد عنه
الكابرس واللومينا
لا رجل باردة ولا رجل حارة
سيارات قلة حيا
واكرم الله السامعين هذي اللي يسموها
ق ح ب ة و ر ش

^^ اتفق معك. ماسموه صديق الورشة بلا سبب. عن تجربة شخصية وسيارات زملائي مشاكلها ماتخلص وصرفية بنزين وحتى عزمها قوي بسبب مكينتها الكبيرة لكن لو جبت نفس حجم المكينة على سيارة من شركة ثانية عزمها بيكون اعلى منها بكثير.شوف سعرها كيف مايسوى كامري, اكورد, ازيرا الخ من نفس الموديل رغم انها فئة أعلى.

ربيع الاول خخخخخخخ وصفك عجيب
مشكورين يااخوان وننتظر مزيد من الاراء وخبرت المجربين
ربما من 2006 وتحت مشاكلها كثيره خل نشوف مستخدمين 2010 وفوق لازلت متمسك ببصيص امل

انامستخدم الكابرس من مده طويله والله اني ماراح اكتب الى الحق ولاراح امدح اواذم فيه الى من واقع تجربه مو مثل اكثر الناس الي تجي تتكلم وهو مااستخدمه فقط سمع من فلان تقوله استخدمته يقولك لا 

معي كابرس 2011 ماشي 280 كيلو ماشاءالله مكينه وقير وكالته مافكت مكينته الى قبل شهر تقريبا بسبب التكايات فقط  
الموتر عملي يكد فى الخطوط الطويله يطربك رساوه عزم المكينه مرتاحه بحكم الي معي قيره 6 نمر 
قطعه رخيصه مقارنه فى منافسينه ومتوفره قطعه بكثره تشليح جديد بكل مكان تحصلها وهذي ميزه 
عيبه الكمبرسر حق المكيف دايم يخرب والحل انك ترهم كمبرسر كامري 
واذا بتستخدمه داخل البلد صرفيه البنزيم فيه عاليه بحكم مكينته كبيره V8 
الموتر طويل يقروشك فى المواقف 

امامن ناحيه الي يذمون فيه هي وحده من الحالتين باانه مااستخدمه سمع من فلان وعلان 
او انه لاعن جده ويقول خرابات كل شي تعطيه يعطيك 
واصلا لوتلاحض نص الي يستخدمون الكابرس مراهقين حقين تفحيط وقومات 
اقولها مره ثانيه الكابرس موتر كفو ولويرجع تصنيعه والله لفك واحد ثاني وكاله 
اذا تقدر تاخذ 2011 وفوق افضل لك القير صار 6 نمر وفيه مبردين قير 
2010 وتحت القير 4 نمر ومبرد القير مع الرديتر عشان كذا تشوف كثير يشتكون من اقير المديل هذا لاكن فيه حل انك تركب مبرد قير خارجي وامورك طيبه اتمنا اني افدتك 

فهودي بيض الله وجه، على فكره الرجال يقول خرب معه الرديتر قبل فتره وغيره بتجاري
شكله من مبرد القير
طيب اقدر لو اشتريته اركب عليه مكينة 6 سلندر وقير 6 غيارات ؟ انا الكويت جنبي وفيه كوابرس وانواع القطع
بس خايف مايركب عليه شي
مشكور يالغالي ولو اقدر اقيمة تستاهل ولايهنون باقي الشباب

وجهك ابيض  
ماتقدر تركب مكينه 6 سلندر على قير 6 نمر واصلا حتى لوتركب بتكلف عليك يبي لك ضفيره وكمبيوتر وكراسي وعامود كردان بيكلف عليك قيمه موتر ثاني اذا تبي 6 سلندر خذلك واحد سليم افضل لك من تاخذ 8 وتحوله 6 
اوخذلك 2011 وفوق 8 سلندر فيه نضام DOD وانت مهدي يشتغل 4 سلندر واذا دعست له اشتغل 8 سلندر 

انا مستخدمه وكاله ٢٠١٢ ssخبل فيني من حراره ومشاكل الكهرباء ماتخلص والعضلات خاصة جلد المقصات والاذرعه ماتاخذ ٦ شهور اذا الحسنه الوحيده فيه مكينته صبوره اما الباقي خساره انصحك تصرف النضر عنه

موتر ابو كلب
اذا شريته انصحك جب فراش معك لنك بتنام بالورشه من كثر الخرابات
لو فيه خير ماعافه اطير اتوقع السياره الوحيد الي يتفق الاغلبيه على سوء جودتها
كان معي واحد كل شوي تغير حاجه والشي الي تغيره بعد اسبوعين يرجع يخرب اشتر موتر تكده موب يكده

اسوأ وازبل سيارة هي و اللومينا وزين انهم بيوقفوا انتاج ماليبو و امبالا. شخصيا افضل اسافر بكيا ريو او صني 4 نمر من الخبر لجدة ولا اسافر بكابريس وكالة لأنها احتمال كبير تتعطل في الخط ما اثق فيها نهائيا... شباب الdislike يكفي عاطفة مافي رجال تكلم!! كلهم من تحت لتحت

لو تستشير الناس بددسن84 عيبوا فيها المهم والافضل
صلاة الاستخارة

لو تستشير الناس بددسن84 عيبوا فيها المهم والافضل
صلاة الاستخارة

شوف حبيب قلبي خذها مني الكابرس لاتاخذه الا اذا كانت رجلك بارده وانا شخص محافظ كل فتره وفتره تشيك هالموتر وتغير الأشياء الاستهلاكيه بالعربي موتر لازم تحافظ عليه
اما بخصوص الي يقول من شريته وكاله علطول حراره ومدري وش يحسب الكابرس صني ولا كامري عشان حق مكده ولعن لا الكابرس حق واحد مروق وحق خطوط ويصلح داخل مدينة بس حق شخص محافظ
وأهم شي استخير ربك وافحص وحافظ عالموتر