موعد نزول ماليبو 2020

لماليبو من أفشل السيارات صناعة
نصيحة أخويه ابعد عنها بعدك عن الأسد وبيرزقك الله

منجدك متحمس لها ،،

نفس ١٩ التغيير مكينه التيربو 1.5 يقال له موفرة
افضل من مكينه 2.4 العاديه اللي على ١٨
هي و الامبالا بيتوقف انتاجها قريب لضعف المبيعات
GM بتركز على سيارات كروس اوفر و الياباني و الكوري افضل

طبعا مافي اي تغير الا اذا انك تبغى تدفع أكثر. والسيارة بتوقف على خطى كل السيارات السيدان الامريكية لأنها ما تحقق مبيعات ولا حتى في امريكا

معي ماليبو ونصيحتي لك ابعد عنها خدمة الوكالة سيئة جدا جدا جدا

وفيها مشاكل أصوات مساعدات وهي ماشية 10 الف والحين طلع لي صوت طقطقة قوية جدا من ورا السيارة ومادري من ايش وعندي مشكلة تسريب الماء لداخل السيارة من الزجاج الخلفي

سيارة مليئة بالمشاكل
قبل كان معي كامري ماواجهت كل هالمصاعب مع الوكيل
مرة وحدة اشتكيتهم وصارو يحطوني فوق رأسهم ويمشوني سريع سريع
التوكيلات العالمية والله واقسم بالله كل ما اروح الفرع لازم اشتكيهم خدمتهم سيئة جدا والسيارة الحين ماشية 30 الف وطلع لي صوت جديد طقطقة قدام مع اللفات من غير الطقطقة الي ورا وصوت المساعدات
وطلع لي مشكلة بالقير حساس وغيروه بعد مماطلة معهم

سيارة بطلة لكن عيوبها تقهر ولكن تقدر تصلحها وبتمشي سوقها اذا كان الوكيل متعاون وممتاز مثل عبداللطيف جميل

قبل كنت اسب ب تويوتا بسبب خدمة الوكيل لكن والله الحين اتمنى انه هو وكيل شفرولية لاني تعبت مع التوكيلات وناوي ابيع السيارة بإذن الله واطلع سيارة معروفة لو خربت اي احد يصلحها

ميكانيكا ماقد شفت احد اشتكى بالقروب اغلبهم ماشين فوق 200 الف ولا فيها مشاكل اتكلم عن الشكل الجديد 2017 وفوق مكينتها 2.5 وليس 2.4 وفيه مكينة التيربو الي معي 2.0
التكييف ملاحظ انه ضعف قالو فلتر المكيف مع ان الكتيب يقول تغير الفلتر المكيف على 64 الف تقريبا او 60 الف وهي ماشية 30 الف ولازم ارفع المكيف اخر شي عشان يبرد بالظهر غير كذا بالليل بارد جدا

المكيف مايفصل الحمدلله بس دفع الهواء صار اخف من قبل
عزل الهوا صار ضعيف شوي من قبل
جودة المواد ضعيفة للأسف
الحمدلله أصوات ديكورات ماقد واجهت ابدا وماقد واجهت صوت ب البانوراما الحمدلله

تجربتي لاكن  الممشى يعتبر قليل السياره لها معي سنه ونص والحمد الله طلعنا من الدمام الى ابها وبعدها جده والسياره ماشاء الله ممتازه في الخط والحمد الله ماواجهة اي مشكله  الممشى 61 الف تم تغير زيت القير على 50 الف ا 
بالنسبه للسلبيات في السياره الي اشوفها انها المراتب الي ورا غير مريحه يعني قاسيه مدري كيف جايه بعكس مراتب الاوبتيما
والله يبارك لك ان شاء الله بالسياره الي بتاخذها سواء شفر او كيا او هونداي او تويوتا او نيسان الخ..

اي والله صدقت المراتب الي ورا تصميمها سيئ الظهر واقف مو مايل والظهر كبير عكس المرتبة الأرضية قصيرة ماتنفع