أضف سؤال أو موضوع جديد          

دفرنش سلفرادو وتحديد المقاس

up 2 down 0
al.mbasher 7
قبل 2 سنه و 2 شهر



السلام عليكم ورحمة الله وبركاته

الموضوع ومافيه ان عندي الدفرنس يعلق الكلتش حق الدفلوك فيه واضطرينا نفتحه عشان نحل المشكلة.
فكو الدفرنس وحاولوا انهم يصلحونه وغيرو القطعة بس ماكان الشغل احترافي .
بعد تقريبا شهر (انتهى الضمان) طلع صوت ونة بالدفرنس وعرفت ان الترس ماضبط.
كلمت كم واحد ونصحوني بتغيير الزيت لعل وعسى تضبط الامور لكن ما تغير شي.

حاليا الدفرنس فيه فضاوة والكلتش حق الدفلوك خرب مرة ثاني وزيادة صار فيه صوت ونة مزعج جدا وخطر ان الترس يقفل.


قررت اني اغير دفرنس كامل وارتاح من غثى التوضيب لانه صعب وقليل اللي يفهمون فيه.
الموتر موديله 2013 غمارة ونص دبل z71 على قير 6 نمر مكينة 5.3

بديت ادور له دفرنشات ودخلت في قضية مقاس الدفرنس. اتضح انه لازم ينفك غطاء الدفرنس عشان تصل الى رقم الدفرنس.

فتح غطاء الدفرنس مكلف بحدود ال 200 ريال ويبيلك قازقيت ولا سيلكون مرة ثانية .

فتحت بالنت وبديت اتصفح بالنواقع الاجنبية واكتشفت انه فيه كود للدفرنس بالدرج وهو
Gu4 : اللي يعني ان Axel ratio = 3.08

حاولت اسوي حسبة لمعرفة رقم الدفرنس وطلع لي 40/13.

هل هالرقم صحيح وها فيه احد حصلت له نفس المشكلة ؟

الله يجزاكم خير.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله ماعرف كم الرقم 

لكن اذا الكويت قريبه منك 
روح لتشاليحهم وهم يعرفون كم مقاس الدفررنش حقك 
وبتحصله ارخص من عندنا بكثير 

خاصه السلفرادو هناك منتشر كثير 
وممكن تحصل شغلات حلوه لموترك هناك


up 4 down 0
m7md 33 1155
قبل 2 سنه و 2 شهر



احس الريشو عالي على سيارتك
بس ممكن عشانه z71 او 6 نمر فمعوضين التناسب
لكن اتوقع اي دفرنس سلفرادو او سييرا راح يركب معاك حق 6 نمر او دور اي سلفرادو z71 لانه راح يكون نفس الريشو حق الدفرنس

واذا اضطر الامر الله يعينك فك الدفرنس لأنك لو ركبت دفرنس الريشو حقه واطي ممكن بتعبك بالقومة لكن في المقابل RPM منخفض في السرعات العالية واستهلاك بنزين اقل
بس شدته في الطقوس راح تكون اضعف



up 1 down 1
ms3al 1783
قبل 2 سنه و 2 شهر



ايه مقاسها 3.08

40/13 = 3.08


up 2 down 0
faisal0 0 243
قبل 2 سنه و 2 شهر