أضف سؤال أو موضوع جديد          

حادث قديم ارجو الإفادة

up 3 down 0
hanno 11
قبل 2 أسبوع و 2 يوم



السلام عليكم ورحمة الله وبركاته

السالفة انه زمان كنت اتعلم السواقة
وأستأجرت سيارة من مكتب ايجار يومي وجددت معه لشهر كل اسبوع ادفع له من 600 الى 700
شامل التأمين حق الحكات سوء الاستخدام خدوش الخ بالاضافة للتأمين الشامل الخاص بالحوادث الله يكفينا الشر

زمان في يوم من الايام قدر الله علي وصدمني دكتور جامعي بسيارة BMW وهو الغلطان لانه صادمني من طرف الصدام الخلفي يمين يعني جهة التانكي
تحت الاسطب وزحفت السيارة وبغيت انقلب لكن الله ستر

المهم جاء موظف نجم الظالم الله لايوفقه وتعرف اول مرة يصير لي حادث وفجعة مكتب التاجير الخ والقروشة والقلق
فضحك علي الموظف حط الخطا علي نسبة 100% وهذا ظلم لانه هو صادمني من الخلف الغشيم

اتذكر وقتها قبل مايطلع التقرير قلي تعال وقع لو سمحت قلت بشوف اول النسبة قالي لا ماتطلع لازم توقع بعدين تطلع
واستغربت منه يوم طلع الورقة طبقها وقفلها وقلي لاتفتحها الا اذا مشيت شكيت فيه
وطلعت الصدمة الخطا حطوا علي 100% الظالم اسأل الله ان ينتقم منه

كلمت اصدقاء لي بلغوني انه مالك دخل اصلا بمراجعة نجم والاعتراض الخ سلمها للمكتب وبطريقتهم
طبعا راجعت نجم انا من الغبنة والقهر وضحك المسؤول قلت لو اني بوبو وجاي ناطل عليه كان جات الصدمة من جهة باب الراكب الامامي
طيب من الباب الخلفي بدايته من النص
وقلي ابشر وانشغلت ولا راجعت بسبب العمل ومع نصائح الاصدقاء انه تسلمها لهم مالهم شيء عندك ولا ريال شامل التأمين والخ

وعطيت المصري النصاب 100 ريال عشان الحكة ابفتك منهم

الكلام ذا عام 1437 الحين بعد 4 سنوات
اتفاجئ يتصلوا عليه شركة تامين ويطلب مني دفع 14000 ريال قيمة تصليح سيارة عميلهم BMW لانه تأمين السيارة الي مستاجرها من مكتب الايجار التامين كان منتهي وقت الحادث


قلت راجعوا مكتب التاجير مالكم شيء عندي
بعد اخذ وعطا طلبوا معلومات عن مكتب التاجير دخلت قوقل صورت لهم موقعهم وقلت تفضلوا تفاهمو معهم رقمهم عندكم وكل شيء
قال هات اثبات انه السيارة كنت ماخذها من عندكم وقت الحادث طبعت ورقة من ابشر تفويض من الى وكان التفويض مبين انه لي 3 شهور مستاجرها من المكتب وصار الحادث واستمر التفويض 4 شهور بعد الحادث

قلت تبغوا شيء قالوا لا بس كنا نبغى نوصل لمكتب الايجار وماعرفنا نوصل لهم وقررنا نتصل عليك
يعني يبغوا يلبسوها في اي احد

قدمت شكوى بمؤسسة النقد على 3 شركات لانهم عطوني اسم لهم وكل شوي يتصل الشركة الفلانية تقول ماعندنا موظف بهذا الاسم من الادارة القانونية
ولا نطالبك بشيء اتمنى تلغي الشكوى لانها تأثر على تقييمنا قلت ابشروا
والشركة الثانية والثالثة طبعا تتشابه الاسماء زي مثلا شركة الف باء تاء للتامين والثانية شركة الف باء خاء للتامين
والثالثة كلهم يقولوا الموظف الفلاني الي قلت اسمه ماعندنا واحد بهذا الاسم

قررت اقدم شكوى في ابشر جرائم معلوماتية وقدمتها وارفقت المحادثة حق الواتس آب و رقم الجوال والرقم الثابت

لاني شكيت بالوضع انهم عصابة من نفس التامين يبغوا يخوفوك وانت زي السبيكة تدفع لهم
لانه اول ماقالوا لي ادفع 14000 ريال حالا والا سيتم ايقاف خدماتك وتسجيلك بسمة

مر تقريبا شهر واليوم احصل اتصال وابحث عن الرقم يطلع شركة فلان الفلاني واتصل ويرد عليه واقول حولني على الي اتصل
وحول وقال اعتذر منك غير موجود هو يرجع يتصل عليك

الآن ي جماعة الخير ترى غثوني واقرفوني
وش نصايحكم حلولكم

جزاكم الله خير









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


احسن شي انك اشتكيت وراح يتم التوصل لهم ومعاقبتهم باين انها لعبه واكيد صارت على أحد من قبلك واكيد لهم طرف بشركة التأمين


up 1 down 0
راضي بقربك 113
قبل 2 أسبوع و يوم



كيف عرفوا انك انت المستاجر والسيارة باسم المكتب

عموما انت مالك دخل واذا بتدقع بس نسبة التحمل لانه السيارة المفروض مامنه شامل

عموما
شركات التامين اذا رفعوا قضية عليك تروح المحكمة وبتجيك رسالة من المحكمة مو من شخص بالواتس



up 0 down 0
meshal alharbi 282
قبل 2 أسبوع و يوم



يعطيكم العافية

مو النظام ممنوع خروج سيارة من مكتب التاجير للعميل بدون وثيقة تامين سارية
هم النصابين يقولوا انه التامين الي معك منتهي وقت الحادث
وش دخلني انا  يكلموا مكتب التاجير هذا غلطهم 

الرقم يمكن من ورقة نجم الي مع العميل حقهم فيها بيانات الاطراف كلها اعتقد عشان كذا 




up 0 down 0
hanno 11
قبل 2 أسبوع و يوم



المطالبات بعد مرور 3 او 4 سنوات
هذي فيها شك ... وانه البعض تبغى
تستفيد بالنصب .... نصيييحه
تابع دعواك ضد الانتهازيين ولا تسمع لهم
ووالله ما خلاهم يلعبوا علينا الا طيبتنا
اللي مالها سنع .... لو لهم شي جرجروك
واذا لك شي ترحمهم ..لييييش..؟؟؟؟
تابع دعواك ولا تلتفت لهم .... وقول لهم
(عندكم شي روحوا المحاكم )...
ووالله ما راح يتصلوا عليك ابد
وفيه امر مهم ... ايقاف الخدمات مهو
فوضى ما يتنفذ الا بعد محاكمات واثباتات
وشهور .... مهو من اول المحاكمه (ايقاف)



up 0 down 0
لا للغلاء 765
قبل 2 أسبوع و يوم



المادة السابعه في مؤسسة النقد تنص على انه لايحق لشركات التامين مطالبة العميل بعد مرور سنة حتى لو كانت المطالبة سليمة وصحيحه 100%


up 0 down 0
ali400ali 229
قبل أسبوع و 5 يوم



يعطيكم العافية 

فعلا شكلهم نصابين انا صرت اجري وراهم هههههه
اتصل ولا يردوا لاني واثق مالهم شيء 

وممكن من الشكوى الي في ابشر جتهم ام الركب
مثل ما جابوا لي ام الركب يوم قالوا ١٤٠٠٠ 
والتامين كان منتهي مع انه مالهم شيء مسؤولية مكتب التاجير 


وحدة بوحدة والبادي اظلم 

عالعموم الله يكفينا شرهم النصابين 



up 0 down 0
hanno 11
قبل أسبوع و 4 يوم