أضف سؤال أو موضوع جديد          

كابرس مستعمل

up 1 down 2
ابو محمد٢٤٦ -14
قبل 5 شهر و 2 أسبوع



السلام عليكم يا اخوان انا محتاج موتر شبابي وعائلي بنفس الوقت وبعد البحث شفت ان الكابرس ينفع ... ف فكرت اشتري كابرس مستعمل ٢٠٠٧ - ٢٠١١ ٨ سلندر طبعا المهم نصائحكم وهل ينفع موتر كرف وكيف صرفية البنزين وبكم الفل ل ٨ سلندر وآخر نقطة سمعت ان الكابرس ممشاه اذا تعدت ال ٢٠٠ مشاكله تكثر و هل هو ما يمشي الا بالتعديل من الناحية الرياضية ؟؟ اسف على الاطالة انتظر الرد من اهل الخبرة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الافضل تشوفلك مديلات 2011 وفوق يجي قيره 6 نمر ومبرد قير خارجي عكس المديلات 2010 وتحت قير 4 نمر ومبرد القير مع الرديتر 
من ناحيه الخرابات اي سياره تحافض عليها تعيش معك لاكن بحكم انك بتاخذ 2011 اكيد راح تكون فيها اعطال وتحتاج صيانه 
من ناحيه التعديل انامعي كابرس 2011 لاكن ماعدلت عليه عزمه الصراحه ممتاز انااستخدمه خطوط فقط باقي الايام واقف فى البايكه ماحركه 
من ناحيه الصرفيه اكيد واح يصرف بحكم انه ٨ سلندر 
اذا تبي نصيحتي حاول تشوفلك موتر ٦ سلندر مثل ازيرا افالون الفئه هذي صرفيتها معقوله وعزمها حلو افضل لك من الكابرس 


up 2 down 2
fhody44 1003
قبل 5 شهر و 2 أسبوع



وعليكم السلام

إذا تفكر في التوفير فنصيحة ابعد عن الكابرس

من الخيارات الرياضية وتصلح للعائلة الأوريون وتعتبر من السيارات العملية


up 3 down 1
أبو عبادة 4843
قبل 5 شهر و 2 أسبوع



انفر بجلدك الكابرس ميزته بقوة مكينتة بس هالقوه بتوريك نجوم الظهر خرابات وحراره وقرف ومشاكل خصوصا هالموديلات الي ذكرت مليانه عيوب من 2007 الى 2011 وغير كذا اغلبيتها مع مفحطين ومبزره كارفينها كرف ف اشوف هونداي فيها سيارات شبابيه وعائليه بنفس الوقت ومنتشره واقتصاديه موفق


up 2 down 0
abdulaziz bin ateeq 261
قبل 5 شهر و 2 أسبوع



انا اشوف انك تاخذ سياره 6 سرندل بحيث تكون مديل حديث
وقليلة الصرفيه تفك نفسك من غثى الصناعيه
امبالا
افالون
تورس
والسيارات اللي بنفس الحجم


up 0 down 0
المالكي 1254 91
قبل 5 شهر و 2 أسبوع



بكل امانه انا معي كابرس 8 سلندر بحكم اني من الناس الي تحافظ ورجلي بارده انصحك فيه موتر هيبه وفخم
داخل البلد يصرف مع الخط مايحتاج صرفينه حلو بالنسبة لناس الي تقول كثير اعطاله ماظن جربوه اما قطع الغيار شوي غاليه ولاتركب غير اصلي
شغل تجاري بالكابرس ماينفع وفي النهاية استخير الله


up 2 down 1
ابو محمد 8697 13
قبل 5 شهر و 2 أسبوع