طريقة تركيب مبرد زيت قير للكابرس 2007-2016
12
6
إضغط هنا للإخفاء
السلام عليكم ورحمة الله وبركاته
موضوع اجتهاد شخصي
حبيت افيدكم فيه
وادعو لفقيدي بالرحمه
طريقة تركيب مبرد زيت قير للكابرس واللومينا
٢٠٠٧-٢٠١٦
طبعا ٢٠٠٧-٢٠١٠ مايجي فيها مبرد خارجي
يجي فيه مبرد بالرديتر وفي اي لحضه ممكن يضرب
ويخلط زيت القير مع المويه ويضرب القير
وهاذا الشي اللي حصل لي اليوم والحمد لله
لحقت على القير وسلمت من تغيير قير
طبعا موديل ٢٠١١-٢٠١٦
جا فيه مبردين
مبرد مع الرديتر ومبرد خارجي صغير
انا لغيت المبرد اللي بالرديتر وخليته خارجي فقط
وهاذا شي ممتاز واقل خطوره على القير وافضل
في تبريد زيت القير وما يسخن مثل العادي
طبعا رحت التشاليح اخذت مبرد قير
فورد ( كروان فكتوريا - جراند ماركيز )
٩٨-٢٠١١
مافي فرق ولا اختلاف
طبعا بتقولو ليش اخذت بالذات حق الفورد
انا اقولكم ليش
مواصير الفورد تيجي مقاس ٨ نفس ليات الكابرس
فما يحتاج اولف ولا افصل مواصير ثانيه
ومبرد ممتاز بحكم تجربة صديق يعز علي
طبعا تحتاج الى:-
١- مبرد قير
٢- لي زيت نوع ابو قماش مو العادي مقاس ٨
٣- ٧ قفيز
٤- ٥ مرابط طيس
التكمله في الصور موضح فيها كل شي ومشروح فيها
طبعا كنت على تواصل مع صديق عزيز علي ومعروف بالمنتدى
ماقصر بيض الله وجهه
اللهُم في يوم الجمعه أسقي روح احمد من كوثر الجنة ،
اللهُم عطر قبره برائحة الجنة ،
اللهُم ارحم احمد برحمتك التي وسعت كُل شيء".
إبلاغ
سيارات للبيع
الردود
+1
0
0
يعطيك العافيه
انا افكر اركبه حتى على الجمس اللي بدون دبل
بدال ماركب تروكول ب 500 ريال وسيارتي بدون دبل اركب ذا ارخص واكبر من حق الوكاله
لاهنت كم توصل حرارة القير بعد التركيب
وكم التكلفه الاجماليه
0
0
الحراره توصل بالظهر ٨٠-٧٩
بالليل ٧١-٦٥
التكلفه
مبرد ١٥٠
محل الرديترات اللي راح يقص ويلحم ٥٠
لي زيت مترين نوع قماش ب ٢٠ المتر
قفيز ب ٣ ريال الواحد
والتركيب على حسب الميكانيكي في ب ١٠٠ وفي ب ١٥٠
وتقدر تركبه بنفسك ماهو صعب
0
0
قبل 4 سنه و 9 شهر