محتار اشتري يوكن او تاهو

و عليكم السلام و الرحمة
اللي اذكره ان موديل ٢٠٠٩ و طالع افضل
من ناحية القير ٦ نمر مهو ٤ مثل اللي اقدم
و اللي ابخص مني يوضح لك اكثر

اليوكون والتاهو نفس بعض في الماكينة والقير وكل القطع الاختلاف
فقط في الشكل الأمامي فقط وخذ الموديل الأحدث والأنظف 

التاهو افضل فيه حتى في بلده شعبية التاهو افضل من اليوكن انا سمعت ان فيه فرق بسيط في بعض الاجزاء السفلية تميل لصالح التاهو

نصيحه لاتاخذ هذي الموديلات اطلع ٢٠١١ او ٢٠١٢ هذي بعضها فيها مشاكل بالقير وخاصه بطلوع العقبات يسخن وسال الشباب هنا ملاكها يفيدونك
كل التوفيق للجميه

كلهم نفس القطع مايفرق شعره الا في الدينالي هو مختلف
خذ من 2009 وفوق عشان القير 6 نمر
بالنسبة للحرارة القير فهي بسبب المبرد حقه صغير ركب اكبر
واذا كانت اكثر خطوطك مابها عقاب وطلوع صعب فخله على حق بلده

مثل ماأفادوا الأخوان خذ من ٢٠٠٩ و طالع
أما وش تاخذ هذي يحكمها ذوقك و نظافة السيارة اللي تحصلها و إلا ميكانيكيا السيارتين متطابقة

يوكن او تاهو نفس الشيء
"جد البقر ثور"

السيارتين التاهو و اليوكون نفس بعض فقط اختلاف بتصميم الأنوار لاماميه
و الخلفيه. باقي الأشياء مثل بعض. المسأله تسويقية في الشركه نفسها فقط لا غير
افضل الموديلات بعد ٢٠١٠ مثل ما قالوا الاخوان فوق.
احرص على النظيف و الممشى القليل

كلهم عينين براس

نفس الشي اليوكن والتاهو،، وأنا احب شكل التاهو خصوصا الداخلية وازار المكيف فرار أفضل من اليوكن،، اليوكن تنمسح ويخرب شكلها

استغرب من الناس الي تشتري سيارات تسرف بنزين كثير وتقييمها سيء جدا!