أضف سؤال أو موضوع جديد          

صرفية السوناتا

up 2 down 0
ryan702 464
قبل 4 أسبوع و يوم



السلام عليكم ورحمة الله

كيفكم عساكم بخير ان شاء الله

ياشباب حبيت استفيد من خبراتكم هنا
عندي سوناتا 2016 تقريبا لها معي 4 سنوات وماشيه حدود 170 الف ماشاء الله
بس الفتره الاخيره صرفيتها صارت سيئه جداً
يعني اعبي فل ويعطيني القارىء ان السياره تمشيني حدود 700 كيلو
بس على ارض الواقع تقريبا تمشيني 500 كيلو اذا مرة 550 كيلو ( نفس صرفية السيارات 6 سلندر )
وللمعلومية تانكي السوناتا اكبر من الكامري والالتيما يعني مفروض تمشيني كثير ( 70 لتر ) التانكي

وقبل فترة سنه تقريبا كانت الصرفية افضل من كذا بفرق واضح
حبيت اعرف في شي اغيره وتزبط الصرفيه
وللي بيسال عن دعستي خفيفه جدا ما ادعس نهائيا يعني المكينه مرتاحه وتصرف :)

حتى بعض الاحيان افكر اصرفها وازيد شوي واجيب كامري مستعمله 2016
رايكم وشكراً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ابدا بالاشياء الاستهلاكية اذا ماغيرتها 
مثل بواجي فلتر هواء تنظيف بوابة وشيك عالبخاخات اذا متسخه 


up 2 down 0
فلان الفلاني 508 471
قبل 4 أسبوع و يوم



البواجي شر الله الشرير عن تجربه غيرتها لسيارتي رجع لصرفيتها الاوله وازين والفلاتر بالنسبه لبخخات اذا بتنظفه نظفها بالجهاز الخاص فيه تحصله ببعض الورش 


up 2 down 1
راكان443 136
قبل 4 أسبوع و يوم



زي مافادوك الشروات واضيف زيت المكينة ايش نوعه الي تستخدمه؟؟ عندك لزوجة متوسطة10W30 او5w30 الزوجة الاكثر تقيلة ع الَمكينة


up 1 down 0
عامر 1412 281
قبل 4 أسبوع



كم لك مغير البواجي ؟ وصفاية البنزين ؟ ومنظف الثلاجة والبخاخات ؟ وحساس الهواء كيفه عندك ؟ وكيفك في تغيير فلتر الهواء حق المكينة كل كم تغيره ؟ وهل تنظفه باستمرار ولا لا ؟ ظغط الكفرات عندك مثل ماهو سابقاً ولا نازل وهل تشيك عليها اول بأول لو نزلت شي بسيط مهب شرط يبنشر عشان أقول انه نازل لأنه احياناً ينزل لين 25 وانت ما تدري عنه خاصة اذا ماعندك حساس كفرات


ترى كل هالاشياء اللي قلتها لك تأثر في زيادة صرفية الموتر

عشان كذا لا نجي نعاتب الموتر وهو له 4 سنوات ما قصر معنا صرفية ممتازة ونذمه وحنا مهملينه في جوانب كثيرة وما نبيه يتأثر في الصرفية ولا شي.

النقطة الأخيرة اللي ذكرتاها اشوفها مبالغه مع احترامي لك يعني استغني عن موتري اللي على يدي وكالة ماشاء الله ولا طلب مني ذيك الطلبات واشتري مستعمل نفس الموديل مدري من اللي مستعمله ويمكن احط فيه او اكيد بحط فيه اول ما اشتريه عشان فرق 100 كيلو صرفية وانا مابعد شيكت على موتري

وترى الموتر طبيعي مع كثر ممشاه والاستخدام يتأثر نسبياً ويبدأ يزيد بنسبة بسيطة استهلاكه للبنزين هذا عادي

اختصاراً للكلام هذا كله جاوبني على النقاط اللي فوق ومن اجابتك بنحدد النتيجة



up 2 down 0
a.ibrahem 3135
قبل 3 أسبوع و 6 يوم



ولا تنسى وانا اخوك فرق القيمة اللي بتبيع فيها موترك وتزيد عشان تشتري كامري مهيب على يدك وما تدري من اللي مستخدمها وفحص ونقل ملكية وتأمين وحوسه عشان فرق كم ريال في كم لتر زود طيب وفروقات هالمبالغ اللي بدفعها عن قيمة هالبنزين الفرق كم سنة قدام وخذ في الحسبان تكلفة قطع الغيار والاستهلاكيات هل موترك ارخص ولا ذي والأخيرة والاهم وش يضمنك ذا الكامري اللي بتشتريها مستعمله انها بتمشيك زي السوناتا اول 700 وزود يمكن راعيها مهمل او مهب شرط مهمل ما غير استهلاكيات وبتلقى فرق الكيلوات بينها وبين موترك بسيط

لا تفهم من كلامي هذا اني ضد الكامري او شركة معينة لا والله مادريت عنهم كلهم ولو يجي أي واحد ثاني يقول نفس كلامك معه هوندا ولا اللي هي بقوله نفس الكلام

لا يصير عندنا هاجس البنزين وكم يمشيني تحديداً يخليني اشتري سيارة اغلى من موتري واتحمل تكاليف اعلى واحياناً تكلفة صيانة دورية اعلى عشان والله أقول تمشيني 700 طيب يمكن تغييرت فحمات طلعت الفرق هذا كله ولا فلتر هواء مكينة صح ولا لا ؟

فتركد وانا اخوك ولا تطير في العجه





up 1 down 0
a.ibrahem 3135
قبل 3 أسبوع و 6 يوم



يعطيكم الف عافيه

واخ ابراهيم
الموضوع له تقريباً يومين
امس الحمدلله رحت وسويت تصفيه كامله للمكينه غيرت بواجي وفلاتر ونظفة بوابة الثروتل والبخاخات شالها وحطها في جهاز
السياره تحسنت بشكل واضح عن اول
صحيح مو زي اول سنه او ثاني سنه بس افضل من السابق
ممكن لان الكفرات والمساعدات والخ تقريبا انتهت





up 0 down 0
ryan702 464
قبل 3 أسبوع و 6 يوم



ترا بالصيف تصرف اكثر وبالنسبة لي لاتخسر نفسك ولاتشيك على شي تخسر ع الفاضي

غير بواجي وفلتر هوا وبس السوناتا تصرف من الاخير يمكن عشان وزنها ثقيل للعلم ترا ذي السوناتا فيها فولاذ عشان كذا وزنها ثقيل مقارنة بالكامري والاكورد

السوناتا اللي ماتصرف وفيها قوه وعزم موديلات 2005 الى 2010 بس


up 0 down 0
7amood1930 179
قبل 3 أسبوع و 5 يوم