تهريب الزيت كابريس؟

ممكن صوفه اخوي اذا اماميه امرها بسيط بس اذ خلفيه الله يعينك لازم تنزل القير عشان تغيرها الافضل تغسل اماكن التهريب وتشوف من وين بضبط التهريب ممكن برضو وجه الكرتير 

أماكن مختلفة !؟ لا طبعاً مهب طبيعي هذي مشكلة ولكن شف الأمريكي معروف عن غيره انه اسرع منهم تهاريب ف ممكن يكون طبيعي

وممكن انت عندك مشكلة في تعبيتك للزيت تزيده عن الحد لين تتفقع الصوف ما يندرا عنك عاد انت ابخص بعمرك ولكن حتى لو التهاريب بسيطة لابد من إصلاحها لأن التهريب البسيط يعدم عليك أشياء وانت ماتدري يعدم دينمو يعدم كمبريسر يعدم جلد يعدم بكرات سير الخ ...............

لذلك لا تستهون فيه وزبط كل التهاريب وعند ورشة محترمة وشغل كله اصلي

ورجاءً لحد يجيني مطفي النور ويقول انت تذم الأمريكي ومعنا موتر من عام الفيل ماهرب زيت وله 35 سنة يمشي في الشارع فكونا الدعوة مهيب مدح وذم

شوف اذا تهريب في جهه المكينه سهل لكن لو مثلي انت عندك تهريب صوفه خلفيه صراحه انا مررره قليل فقط تنزل نقطة زيت ومخليها منزمان لين أفضى لان تغييرها صعب مكلف لازم فك قير