نصايحكم بخصوص تغيير زيت القيير ماليبو 2010 الشرقيه

والله واجد 140
فيها مخاطرة
اذا كانت تبديلاته زين خله بس

خل الوكاله تتولى امره لان الماليبو محد يدري عن صيانتها ونظامها كثير كلها 600 ريال تحت ضمانهم ولا تخلي ابو 80 ريال يخربلك القير السيارات الجديده صارت معقده ومو اي واحد يعرف لها .. بس سؤال ؟ بحكم انه السياره مشت معك ل140 هل واجهت مشاكل او متاعب في صيانتها هل واجهت اعطال كرهتك فالسياره واتمنى انك تطرح موضوع كامل عنها وعن تجربتك للسياره من ال 0 الى 140 الف كيلو لان السياره ماشاءالله في نظري تحفه لانها امريكيه حته حته وقد اخذت عليها تجربه فالوكاله وباين واعجبتني بس كان صوت الماسعدات على عيون القطط مزعج

اهللين ياغاليين اهلين اخوي شااقح ،، انت تخبرني راعي فورد لكن الموتر لنسيبي ونسيبي قاالبه شااص يداوم فيه ماشاء الله يومياً تقريبا 120 كيلو رايح و120 كيلو راجع ،، 10 كيلو منها جللد طرييق تريلات ويدخل معهمم الززبده كرف كرف مندوبها فعشان كذا ما استطيع اقييم السياره ياغالي والسبب لانه استخدام شااق جداً فشي طبيعي تواجه مشاكل لكن الى الان واجهتنا مشاكل بسيطه منها عدم توفر قطع الغياار فقطط في الوكاله وقطعها غاليه جداً والمشكال منها المراوح تتوقف عن العمل وتخرب وتم تغييرها اكثر من 4 مرات وسعرها مبالغ فيييه فوق ال 1600 للمره الواحده عزلها لا باس فيه بس بالنسبه لي بحكم ان معي فورد فهو 20% وطايحه من عيني والمشكله انا وصاحب السياره كلنا ماتناسبنا 4 سليندر بحكم ان ارجولنا حاره وتعودت على الفورد لكن تبقى سياره حلوه لكن لمده كم سنه فقط ،، سيتم ادراج تقرير مفصل بالمشاكل

متأخر بتغيير زيت القير .. سمعت اذا مشيت على زيت القير كثير وغيرته دفعه وحده يخبط (يودع) القير ..

اخوي اذا تبي تغيير وكاله احسن , حرام سياره زي هذي تخلي سباك يغيير زيت قيرها

ياحبيبي ماتحتاج شطارة اذا نظام زيت القير زي قير الماكسيما فخله يفك السرة وينقص علبة وزيد علبة بشرط نفس الزيت اللي بالكتالوج عدة مرات وبعدها غيره مر وحدة مع الفلتر ؛ واذا الوكالة تضمن لك القير رغم اني اشك بذلك فغيره ب 600 ريال وخذ عليهم تعهد خطي وريح راسك وسلامتك

ماتوقع انه قير الماليبو cvt على العموم انت غير الزيت فالوكاله اضمن لك ومنتظر تقريرك

الماكسيما مو كلها تجي قير CVT فيه من 2008 سعودية وتحت كلتشات وانا اقصد القير ابو كلتشات

شكراً جزيلاً لكمممم جمممميع ،، شكراً ابراهيييم التركي يعطيييكم الف عاافيه وهذا العششمم فييكم ،، تم التقييم

انا عندي ماليبو 2011 خبط القير
ايهما افضل اغيره من التشليح ولا اوضبه مع العلم ان التشليح ضمانه شهر والتوضيب ضمانه ستة اشهر افيدوني

اهليين ياغالي الله يعوض علييك / بخصوص التوضيب بالعاده يكون قيمته اغلا من تركيب تشليح لكن المشكله نادراً الورش اللي توضيب مضبوط لانه احتمال يتعبك كل شوي وهو خربان او يتاخر بالتبديل فتتعب كل شوي رايح راجع عنده بعكس التشليح وهالشي صار معنا في توضيب قير مازدا 3 ومكينة همر وسوناتا نوضبها وترجع تخرب انت شوف الفرق بالسعر اذا كبيير ف خذ من التشليح افضل بالتوفيق

السلام عليكم،
اخواني انا ابي اشتري ماليبو ٢٠١٠... وانا بصراحة ما بعرف عنها اي شيء....  هل احد ينصح بها ام لا

بارك الله بكم

يا اخوان كم سعر قير الماليبو 2010 في التشليح؟؟