أضف سؤال أو موضوع جديد          

سحب شركات التأجير بالتمليك ؟

up 4 down 3
power_hours 102
قبل 2 شهر



السلام عليكم يااخوان 

الموضوع تم سحب سيارتي من شركة الجميح من امام باب البيت 
والا بلغوني او تواصلو معي 
السؤال : هل يحق لهم سحب السياره 
الثاني : وين مكان الحجز حقهم او رقم التواصل 

السؤال الثالث : ماهو الاجراء لمثل هذه الممارسات من اصحاب الشركات
مع ان النظام لايسمح لهم سحب السياره بدون امر قضائي 

الي يقدر يفيدني لايبخل يااصدقاء 
ودمتم بحفظ الله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا ما يحتاج أمر قضائي وسحبهم للسيارة هي طريقة نظامية 
وهي مكتوبة في العقد 
لأنك ما سددتهم أكثر من شهرين لذلك سحبوها 
المرحلة الثانية إذا ما رحت لهم وسددت المتأخرات 
وأخذت سيارتك
هي فسخ العقد نهائي ثم إلزامك بتسديد المتأخرات
وهي أيضاً طريقة نظامية


up 4 down 4



شكلك ماقريت التعميم 
على العموم راح اقاضيهم وحقي بإذن الله مايروح 
لعب هي يجون يسحبون السياره من قدام البيت ولاكأن فيه جهات 
حكوميه 
وزارة الداخليه مهيب ماليه عيونهم ! 
الا والله يسرحون ويمرحون ولازم يتأدبون 


up 4 down 11
power_hours 102
قبل 2 شهر



إذا كان التعميم قد وصلهم بعدم سحبها إلا بأمر المحكمة 
فثق ثقة تامة أنهم قد استصدروا أمر السحب بموجب المبالغ المتأخرة
أخي أنا معك 
ولكنهم لديهم معرفة بكل الثغرات التي تدينهم 



up 2 down 0



مقدر موقفك ووضعك لكن زي ماقالوا عارفين كل الثغرات ولاراح يخاطرون بموضوع زي كذا

وبيدفعونك قيمة سطحة + قيمة المتاخرات + احتمال قسطين اضافية جديدة لضمان سدادك

الله يعينك ويعوض عليك ويرزقك من واسع فضله


up 1 down 1
rustic 219
قبل 2 شهر



الله يعينك اخوي
لاتتعب نفسك عارفين اللي لهم واللي عليهم صدقني شركات ذي عندهم خبر بكل الامور ذي مايقدمون على شي الا وهم حاسبينه صح.
سددهم الاقساط المتاخرة ووفر على نفسك التعب والمرمطة.


up 1 down 0
منيف2015 42
قبل 2 شهر



ايه طيب يكون خير 
بعون الله لاخذ عوضها بالحق والشرع والدوله ماتقصر 


up 0 down 1
power_hours 102
قبل شهر و 4 أسبوع



ياعزيزي الله يفرج همك ويغنيك عن الاجار لكن ترى نظاما لما يكون معك سيارة تأجير تكون مثلك مثل اللي مستاجر شقة اذا ماسدد قيمة الاجار يجي صاحب الشقة يطلعه منها
والسيارات نفس الشي اذا ماسددت يستردونها لأنك في الاول والاخير مستاجر وليس مالك
وبيني وبينك طالما انك ماقدرت تسدد الاقساط مفروض انك وقفت السياره داخل الحوش وقفلت الباب عليها لأن شركات السيارات يحطون جهاز تتبع في سياراتهم ويعرفون مكانها بالضبط لكن لاحصلوها بحوش مايقدرون يسحبونها



up 1 down 2
bmw z4 1500
قبل شهر و 4 أسبوع



غير صحيح 
النظام لايحق لهم سحب السياره 


up 0 down 1
power_hours 102
قبل شهر و 3 أسبوع



مادام السيارة باسم الشركة ماحد يقول شي 
نفسها نفس النظام الامريكي تتخلف عن السداد يجونك يطلعونها من الكراج
نظام يهود هم والبنوك لكن كل شي واضح بالعقد والمستاجر راضي ووقع بخط يده 


up 0 down 0
th_otaibi2 8
قبل شهر و 2 أسبوع



نسأل الله رب العرش العظيم ان يفرج همك وغمك ويذهب عنك كل حزن
 وفاقة وهم وغم وضيق وكرب انت وكل المسلمين اجمعين


up 0 down 0
th_otaibi2 8
قبل شهر و 2 أسبوع



حلوووووووه سالفة النظام لايحق لهم سحب السياره
الا يحق ونص .. وترى ماازيد على كلام الاخوان .. الشركات حاسبينها وعارفين ان النظام معهم قبل يسحبون السياره.وعندهم محامين ومستشارين.
انت مجرد مستأجر .. والشركه هي المالكه .. يعني الحلال حلالها .. تعطيك السياره ايجار مقابل مبلغ شهري تسدده .. واذا ماسددت صاحب الحلال يسترجع سلعته المؤجره بقوة النظام والقانون.


up 0 down 0
melody 48
قبل شهر



روح تفاهم معهم ترى والله حسب العقد بينك وبينهم مابتطلع بفايده .. هذا اذا ماطلع في العقد بنود ضدك انت موقع عليها وانت لاقريت ولاتدري وش السالفه.


up 0 down 0
melody 48
قبل شهر