أضف سؤال أو موضوع جديد          

سؤال لأهل الخبره اصحاب الكوابرس والجموس القديمه

up 7 down 0
al-samer2000 198
قبل 5 سنه و 12 شهر



السلام عليكم ورحمة الله وبركاته ....
عندي كابريس نظيف جداً مكينته 305 وقيره مبدّل الى 350 الحين ابي ارجعه الى 700آر فور .. لقيت قير بالتشليح 700 آر فور واتفقت مع الميكانيكي آخذه منه واركبه وعطاني عليه ضمان اسبوع واحد فقط ووالقير راكب على سياره شكلها كانت مخزنه فعشان كذا حبيت اسئلكم وش تنصحوني أغير في القير قبل تركيبه والتأكد من سلامته










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صباح الخير أخوي .

اذا القير الي بتأخذة نظيف ومثل ماتقول شكله مخزن ... خلاص ركب على طول واتوكل على الله من غير ما تغير أي شي .

أهم شي شيك على زيت الجربكس اذا ناقص زودة ......... الله يوفقك .


up 2 down 0
مستر بن . 10379
قبل 5 سنه و 12 شهر



الاحتياط واجب لأنه له فترة ما أستخدم .


up 1 down 0
أبو ميان . 158
قبل 5 سنه و 12 شهر



اخوي اي قير تماتيك لازم يغير زيته لان بعضها يجي زيته قديم بالمررره ولما تغيره يخبط
اشرطه عليه يغير الزيت مع الفلتر قدامك وركبه واذا سلك مع انشاء الله يعيش معك


up 1 down 0
م.بن عبدالله 2025
قبل 5 سنه و 12 شهر





الميكانيكي راعي محل تشليح وحسب مايقول قالي أبركبلك القير وابجربه قدّامك بجميع النمر وان طلع فيه خلل ابركبلك غيره بديل هذا ماتفقنا عليه.و
الحمد لله اليوم شريت كرتون زيت قير موتور كرافت + فلتر قير 700آر فور وافكّر اشتري صوفتين قير اصليه الأماميه والخلفيه عشان ارتاح من التصليح

, وجزاكم الله خير جميعاً على النصايح وماقصرتو واللي عنده اي اقتراح لايبخل علينا وماراح ننساه بالدعوه الزينه.


up 2 down 0
al-samer2000 198
قبل 5 سنه و 12 شهر



بكم حسب لك  القير  لن ترايستار يبعون قيور كوابرس  وجموس مجدده جديده احسن شي تبدا من صفر  

 ومضمونه سنتين   


up 1 down 0
سكودر 14890
قبل 5 سنه و 12 شهر



والله اخوي انا افضلك 200فور ار اقوى واكثر تحمل وممتاز بالخطوط يماما ناس غيرت لل700وندمت ورب الكعبه العزم كله يطيح 200فور ار نفس 350 بالقومه بالزبط نفس القومه وال700 ترا مو زيهم الاثنين عشان كذا لو تطل بالناس الي يعدلو يركبو دايما350صح انه ثلاث نمر بس يبغو القومه الاليمه حقته عاد 200قوي بالقومه بحكم اني مجربه بكابرس بكس مو سيدان صرفيه اقل تدعس ربع الدعسه يمشي عادي وقت المقاومات مايقصر الاول لحاله يوصل قريب الستين مايخبط بدري مهما تمشيه حتى لو الزيت ناقص كثير والله يمشي ومن بلدها تجي القير 200فور اهل السعوديه يلعبو فيها المكينه حقتك305القير200فور ار
مكينتك350القير700فور ار
المكينه 454القير700فور ار وموفق اخوي الغالي لك مني اجمل تحيه


up 0 down 1
احمد شريف 3194
قبل 5 سنه و 12 شهر



من بعد اذن الاداره الرابط لموقع ثاني 
http://www.assayyarat.com/forums/thread181755.html


up 1 down 0
احمد شريف 3194
قبل 5 سنه و 12 شهر



حط الرابط وشوف الناس الي تورطت وماهي عارفه وش تسوي وشوف تجارب الناس من القير


up 1 down 0
احمد شريف 3194
قبل 5 سنه و 12 شهر



القير 700 حساس اذا بتاخذ خذ 200 فرار نفس 700 4 تبديلات لكنه ليس حساس كهربا مثل 700 700 ينقص زيته او اي مشكله بيجاوب 200 فرار نفس 350 بالنضام واسال اصحاب الورش ويفيدونك 


up 0 down 0
princ 18867
قبل 5 سنه و 12 شهر



اخوي "سكودر" حسبه لي 700 ريال مع الرجيع قيري الـ 350 نظيف جداً القير بس مشكلته احسه يهلك المكينه عشانه ثلاث نمر بالذات اذا كنت محمل عفش بالشنطه وطالع عقبه, بعدين ترايستار كلام بس مافي شي يضمن لي ان القطع في القير اصليه وكاله انا محتاج شي يدوم معاي والحمد لله سواقتي معتدله جداً ماتعدى 120كم بالذات في الأمريكي القديم عشق لايقاوم وراحه في السفر لاتوصف لدرجة انك ماودك تسفط وتريّح

ملاحظه للأخوان اللي ينصحوني 200 آر فور سألت عنه من فتره اكثر الفنيين القيور نصحوني بالـ 700 آر فور ومن ضمنهم فني قيور أمريكي الأصل خبره 24 سنه نصحني بالقير 700آر فور وقالي قير 350 تي حق مكاين 350لأن مكاين 350 تتحمل ثلاث نمر وبالراحه بعكس 700 يدمر المكينه بسرعه والقير يعتمد حسب استخدامك له لذلك انا قررت ان شاء الله بتركيب قير 700 آر فور بدون أي تردد وراح اعطيكم تفاصيل النتيجه خلال الأسبوع القادم بأذن الله. وفق الله الجميع لما يحبه ويرضاه وأشكر الأخوان على اقتراحهم. (متابع..)


up 0 down 0
al-samer2000 198
قبل 5 سنه و 12 شهر



السلام عليكم ورحمة الله وبركاته...


تم بحمد الله تركيب قير 700 آر فور والنتيجه احسن من ماكنت متوقع
اولاً: العزم طلع أزين من أول وهذا احتمال من كلتشات القير القديم 350 تي شبه عطلانه او ان الطنجره فيها مشكله . ثانياً: استهلاك البنزين اصبح أقل من السابق بدرجه متوسطه ومعقوله ثالثاً نعومه في الخط هذا ماستنتجته بعد التركيب حتى يستفيد الجميع وفق الله الجميع لما يحبه ويرضاه


up 2 down 0
al-samer2000 198
قبل 5 سنه و 11 شهر



افضل جير 700 لكن مشكلته الحراره 200 افضل مافيها مستحيل يسخخن لكن عزم القومه اقل 700 قوي وصرفيه النزين قليله لكن للاسف حراره خربته


up 2 down 0
thamer342 -50
قبل 5 سنه