سؤال للي عنده لومينا

هلا اخوي كانت عندي لومينا اس اس 2006 سياره ما عليها كلام رياضيه بمعنى الكلمه المهم غير مبرد الزيت الداخلي وخليه خارجي وباالنسبه للبلاستيك الي في اطراف الرديتر الله يعينك كل سنه ونص تغيره لانه ما يتحمل الحراره ولا تنسى تحافظ على السياره من الحفر والمطبات وخلي سواقتك للسياره رزين وتعيش معك موب تسرع فيها كل يوم وقومات مع الخلق وتحفير كفرات وغيره السياره بشكل خاص تصونها تصونك واستخير الله قبل كل شئ .

باالنسبه لمبرد الزيت ( زيت القير ) الي داخل الرديتر

والله اخوي انا مجرب السته سلندر 2004 و2005 و2006 كلها كفو وماشفت منها الا كل خير خدومة وحلوة وعمري ماشكيت من الحرارة وقطع متوفرة واسعارها مناسبه بالنسبة لي افضل اللومينا واقدرها عن اغلب السيارات في فأتها والان معي 2005 زي الاحلاوة صحيح طلع عندي صوت اول ماأشغل الصبح بس الاخوان طمنوني ..اما الاس إس عمري ماجربتها كلامي عن فأت 6سلندر بالتوفيق ..

بس علييييييييييييييك بالنظيف وعليك بالمحافظة ماهو لدرجة الهوس بس حافظ عليها وصلح اي خراب فيها وعزها تعزك وحافظ على تعبأة الديتر بالماء الاصلي من الشركة( أي سي ديلكو) وحاول تخلي دعستك على الفرامل عادية يعني لاتقودها مثل الفوورد اقرب مثال -_- وغيرزيوتها اول بأول ورح ياشنب بعد كل ذا الكلام لتبوك للخرخير للجنوب للشرق والغرب ازي ماقلت لك تعزها تعزك وتقدرها تقدرك واذا انت إستهلاكي وغير موبالي انصحك تاخذ غيرها والله يوفقك..ترى انا مااصعب عليك الامور بس عشان تكون على علم لو اتبعت كلامي بتفلها مع اللومينا وانا استخدمتها اكثر من ماتتوقع ..استخدمتها في الجنوب ابها ونجران وجيزان وشرورة والرياض وجدة عرفت لها وعرفت لي وكلامي للمرة الثانية عن فأة ال6 سلندر وموفق خير ..تحياتي.

الفل احمر ب35ريال واشهد اني مازود على كلام اخوي t o m a h a w k  
اشههد انهاا موتر وحاليا هي موتري الشخصي 2004 اس اس

شكرا على الردود الطيبة بصراحة انا متحير كتيير عشان ناس كتير يمدحو فيها و ناس اكتر بيشتكو من موضوع الخرابات، اخي كان معه ماغنا و كلفته نصف حقها تصليحات و حاول يحبطني على أساس ان الشفر قطعه غالية مثل المتسوبيشي،
فهل قطع الغيار غالية فعلا ولا رخيصة
أخ تومهاوك هل فئة ال ٦ سلندر قوية يعني بتقوم على الكامري، عشان اسمعت ان ال اس اس محركها قوي على الجير و يعمله مشاكل

والله اخوي قطعها متوسطه لاهي غاليه ولا رخيصه وباالنسبه ل 6 سلندر ما جربتها وباالنسبه لمشاكل القير كلامك صحيح كانت مشكلته المكينه اقوى من القير في موديلات 2000 _ 2002 وبعد هاذي الموديلات صار القير افضل المهم اذا تبي اس اس لا تلعب في السياره برمجه وكذا حافظ عليها ومثل ما قال اخوي ابو عبير لا تدعس باالقوه على الفرامل علشان الهوبات لا تسخن وترج معك عاملها بلطف وصونها وراح تصونك

لا تنسى لا تبرمج السياره لانه البرمجه تضرب عليك القير نصيحة مجرب وباالتوفيق

والله السياره ماعليها كلام بس اهم شي المحافظه المحافظه 

واذا اخذت  خذ نظييييييييف خاصه القير والمكينه 

السلام عليكم ورحمة الله وبركاته
بالنسبة لل LTZ انا امس شاريه والحمد لله سليم مافي اي شي لحتى الان
بس فيه مشكلة عندي بالمكيف الهوايه الداخلية تتحرك وتسد فتحات المكيف ما ادري ايش حلها 
اذا بالامكان اخواننا يساعدوني فيها