استفسار عن كروز 2012

لا تاخذها نصيحه كنت ادور زيك قبل شهر كروز وطلع فيها مشاكل بالجربوكس لازم يخبط 
انصحك شوف سياره ثانيه وانا وربي ما اكذب الكروز صرفت النظر عنها ودورت هونداي يا رب لك الحمد 

اذا بتاخذ كروز لا تاخذ فل كامل 

اعرف واحد في الحاره مع فل كاملة جلس اكثر من سنه كل شهر او اقل يوديها الوكاله مشاكل في الكهربا 

عن تجربة ٤ سنوات ومشي خلالها ماوصل ٦٥ ألف كلم وما سويت أي حوادث ولله الحمد:
الموديل كروز ٢٠١٠ LT نص فل
السيارة ثابتة وقيادتها ممتعة وشكلها أحسن من سيارات ثانية كثير،ومريحة وإمكانياتها جيدة مقابل سعرها،
صيانتها الدورية في ACDelco أسعارها معقولة لحد ما، مقارنة بالوكيل

وفي تجربتي أقولك أنتبه من الأتي حصل معي مع إني محافظ على صيانتها في المواعيد المحددة وما أغيرلها غير قطع أصلية:

- السيارة حساسة جداً  لأي شيء بمعنى الكلمة (فيها كل شيء بحساس وكثر الحساسات يجيب مشاكل وإنذارات في الطبلون مالها أول من أخر)
- السيارة قومتها بطيئة، ما فيا ذاك التسارع على مكينة ١.٨
- ما فيها فتحة شنطة من الداخل
- كمبيوتر السيارة غيرته مرتين على الضمان وسعرة حول ٤٠٠٠ ريال
- الجير الناس تشتكي منه، وأنا كان فيه بطئ في التنقيلات وحليتها على الضمان بعد ٩ شهور استخدام وبعدها صار تمام (وللعلم زيت الجير ما يتغير حسب كلام الوكيل والزيت حقها يخدم مدى الحياة)
- حساس ABS غيرته ٣ مرات في أربع سنين، لو جا عليه تراب يخرب بنسبة ٩٠٪
- الوكيل (الجميح) صيانته غاليه مرة، وقطع الغيار كذلك
- لمبة Check Engine لعبت فيني بمعنى الكلمة و ولعت أكثر من ٢٠ مرة خلال ٤ سنوات
- لمبة ABS ولعت أكثر من ٥ مرات خلال ٤ سنوات
- لمبة حساسات الرجوع للخلف ولعت مرتين خلال ٤ سنوات
- الفرامل حسب رجلك، لكن أظن أنها جيدة جداً
- غيرت لمبة العالي ٣ مرات يمين ومرتين شمال

نصيحة من مجرب:
الشركات الأمريكية ما نجحت بالسيارات الصغيرة، الياباني يعيش معاك أفضل وأقل خراب، وكروز للأسف أصلها دايو وأنا مجرد ما الضمان أنتهى بعت السيارة على طول وإلا كان صرفت عليها قيمة سيارة ثانية
الأمريكي قيادته أفضل لكن ما أظن بتكون فرحان مع الخرابات، 
الأن أنا جبت ياباني ومرتاح

بالنهاية ربي يوفقك

والله على خراباتها وبربستها اللي فوق حرام فيها 20 الف، لكن قومتها ثقيلة ماخشت راسي شوي، احسها اقوى سيارة من بين الصغار ولو تشوف المفحطين طايحين فيها

ووش شريت بالمناسبة؟ بحكم انك تقول ياباني..

نصيح لاتاخذ من الشفر اي سيارة صغيرة شف لك النترا او كورلا 

يعطيكم العافيه ياشباب 

أبعد عن الشر وغنيله

أنا ما أحب السرعة بشكل عام ولاني حق مطارحات وسباقات أنا عندي ٤ بنات والحمد لله،
وعلشان ميزانيتي محدودة طلعت دايهاتسو تريوس ٧ ركاب، حليوة وجيدة واستهلاكها للبنزين قليل

السلام عليكم - اسمح لي ياصاحب الاعلان استفساري مستعجل ودوبني فتحت حساب قالوا لي لازم يمر اسبوع عليك وانا ماقدر انتظر ياليت تسمح لي وتفيدوني .. , تواجهني مشكلة في سيارتي وانا قليل الخبة في السيارات , المشكلة هي عند تشغيل السيارة لا يتم تشغيلها مباشرة , يعني يطلع صوت التشغيل ولكن ماتشتغل من اول محاولة وقالوا لي حساس مادري ايش اسمه . الثانية هي احيانا عند الت\شغيل تظهر لي لمبة الزيت وصوت في المكينه , وعند المشي تختفي اللمبه والصوت . رجاءا افادتي لاني مسافر والله الحافظ ...

المعذرة , سيارتي كروز 2012 .